Пандемия даврида Россия ҳудудида қолиб кетган Ўзбекистон фуқароларини ватанга олиб келиш мақсадида «Ўзбекистон темир йўллари» АЖ махсус рейсларни йўлга қўймоқда, деб хабар беради Ташқи меҳнат миграцияси агентлиги.
Хусусан:
- 27 август куни соат 20:57 да 483-сонли йўловчи поезди Волжский—Тошкент йўналишида;
- 30 август куни соат 12:35 да 446-сонли йўловчи поезди Толятти—Тошкент йўналишида ҳаракатини амалга оширади.
Россиядаги Ўзбекистон фуқароларининг яқинлари мамлакатда туриб, уларнинг шахсини тасдиқловчи ҳужжати нусхаси билан e-ticket.railway.uz веб-сайти орқали чипталарни электрон тарзда харид қилиб, жўнатишлари ҳам мумкин.
Қўшимча маълумотларни 1005 қисқа телефон рақами ёки жойлардаги темир йўл кассаларидан олиш мумкин.
Бундан аввал Ўзбекистон Россиядан темир йўл қатновини тиклашни сўрагани, Тошкент—Қарши поезди 22 июндан бошлаб Шаҳрисабзгача қатнаши ҳамда Россияда мажбурий меҳнатдан қочиб, икки оёғидан ажралган Ўзбекистон фуқаросига ёрдам кўрсатилгани ҳақида хабар берилганди.
Изоҳ (0)