O‘zbekistonda 2021-yil 1-oktabrdan boshlab elektromobillar maxsus raqamlarga ega bo‘ladi. Bu haqda Vazirlar Mahkamasining 12-avgustdagi “O‘zbekiston Respublikasida elektr quvvati bilan harakatlanadigan avtomototransport vositalaridan foydalanishni ommalashtirishga hamda yo‘l harakati xavfsizligi sohasidagi tartib-taomillarni soddalashtirishga doir chora-tadbirlar to‘g‘risida”gi qarorida so‘z boradi.
Qarorga ko‘ra, maxsus raqamlar elektrodvigatel quvvati 4 kilovatt bo‘lgan soatiga 40 kilometr va undan tez harakatlanadigan transport vositalariga beriladi.
Ushbu raqamlarning asosiy farqi — viloyat kodi yashil fonda ko‘rsatiladi. Bu kabi raqamlarni 1-noyabrga qadar bepul olish mumkin.
Spot nashrining PlugShare ma’lumotlariga tayanib yozishicha, hozirda O‘zbekistonda elektromobillar uchun 25 ta quvvatlantirish stansiyasi mavjud. 2020-yilda ularning soni 3 tani tashkil etgandi, 2019-yilda esa umuman bo‘lmagan. Bu kabi stansiyalar birinchi bor Farg‘onada paydo bo‘ldi, keyin Toshkentda butun boshli tarmoqni yaratish yo‘lga qo‘yildi.
Mazkur quvvatlantirish stansiyalarining aniq manzilini PlugShare xaritasi orqali aniqlash mumkin.
Mavzuga doir: Elektromobillar 19 yildan so‘ng jahon bozorining uchdan ikki qismini egallaydi — ekspertlar
Izoh (0)