Ўзбекистонда 2021 йил 1 октябрдан бошлаб электромобиллар махсус рақамларга эга бўлади. Бу ҳақда Вазирлар Маҳкамасининг 12 августдаги «Ўзбекистон Республикасида электр қуввати билан ҳаракатланадиган автомототранспорт воситаларидан фойдаланишни оммалаштиришга ҳамда йўл ҳаракати хавфсизлиги соҳасидаги тартиб-таомилларни соддалаштиришга доир чора-тадбирлар тўғрисида»ги қарорида сўз боради.
Қарорга кўра, махсус рақамлар электродвигатель қуввати 4 киловатт бўлган соатига 40 километр ва ундан тез ҳаракатланадиган транспорт воситаларига берилади.
Ушбу рақамларнинг асосий фарқи — вилоят коди яшил фонда кўрсатилади. Бу каби рақамларни 1 ноябрга қадар бепул олиш мумкин.
Spot нашрининг PlugShare маълумотларига таяниб ёзишича, ҳозирда Ўзбекистонда электромобиллар учун 25 та қувватлантириш станцияси мавжуд. 2020 йилда уларнинг сони 3 тани ташкил этганди, 2019 йилда эса умуман бўлмаган. Бу каби станциялар биринчи бор Фарғонада пайдо бўлди, кейин Тошкентда бутун бошли тармоқни яратиш йўлга қўйилди.
Мазкур қувватлантириш станцияларининг аниқ манзилини PlugShare харитаси орқали аниқлаш мумкин.
Мавзуга доир: Электромобиллар 19 йилдан сўнг жаҳон бозорининг учдан икки қисмини эгаллайди — экспертлар
Изоҳ (0)