Prezident Shavkat Mirziyoyev 29-dekabr kuni Oliy Majlisga yo‘llagan murojaatnomasida avtomobil ishlab chiqaruvchilar sonining ortishini ma’lum qildi. Davlat rahbarining so‘zlariga ko‘ra, bu avtomobil sanoatida sog‘lom raqobatni rivojlantirish va korxonalarga teng sharoitlarni yaratish hisobiga amalga oshiriladi.
Foto: Changan Automobile
Spot’ning yozishicha, 2021—2023-yilga mo‘ljallangan investitsiya dasturida avtomobil ishlab chiqarish sohasiga oid bir nechta loyihalar ko‘rsatib o‘tilgan.
Navoi Motors, Navoiy viloyati
Avtomobillar (pikaplar, mini-yuk mashinalari, minivenlar, yo‘ltanlamas va elektromobillar) va traktorlar ishlab chiqarish. Uni 2021-yil dekabrida foydalanishga topshirish rejalashtirilgan. Ishlab chiqarish quvvati — 12 ming dona. Investitsiya hajmi — 12 million dollar. Xorijlik sheriklar/kreditorlar sifatida Parsalpine Management GMBH ko‘rsatilgan.
Manas Avto Sanoat, Namangan viloyati
Yuk avtomobillarini ishlab chiqarish. 2021-yil dekabrida foydalanishga topshirish rejalashtirilgan. Ishlab chiqarish quvvati — 3 ming dona. Investitsiya hajmi — 10 million dollar. Xorijlik sheriklar/kreditorlar sifatida Manas Savunma AS ko‘rsatilgan.
Namangan Changan Motors, Namangan viloyati
Yuk avtomobillarini ishlab chiqarish. 2021-yil iyunida foydalanishga topshirish rejalashtirilgan. Ishlab chiqarish quvvati — 1,8 ming dona. Investitsiya hajmi — 5,8 million dollar. Xorijlik sheriklar/kreditorlar sifatida Mustafa Rent A Car LLC ko‘rsatilgan.
ADM Jizzakh, Jizzax viloyati
Kia, Lada va Renaul avtomobillarini ishlab chiqarish. Ishlab chiqarish quvvati — 100 ming dona. Loyiha 60,9 million dollarga baholangan bo‘lib, uning 33,3 million dollarini 2021-yilda o‘zlashtirish rejalashtirilgan. Rejaga ko‘ra, 2021—2022-yillarda foydalanishga topshiriladi. Xorijlik sheriklar/kreditorlar sifatida Janubiy Koreya Eksport-import banki ko‘rsatilgan.
Auto Motors Asia, Jizzax viloyati
Krossoverlar, yuk mashinalari va mikroavtobuslar ishlab chiqarish. Ishlab chiqarish quvvati — 27 ming dona. Investitsiya hajmi — 16,2 million dollar bo‘lib, uning 6 million dollarini 2021-yilda o‘zlashtirish rejalashtirilgan. Rejaga ko‘ra, korxona 2021—2022-yillarda foydalanishga topshiriladi. Xorijlik sherik/kreditor sifatida Dongfeng Motor Corporation va Changan Automobile ko‘rsatilgan.
Abbos Eco Agro, Surxondaryo viloyati
Avtomobillar, minivenlar va mini-yuk mashinalarini ishlab chiqarish. Ishlab chiqarish quvvati — 10 ming dona. Investitsiya hajmi — 30 million dollar bo‘lib, uning 10 million dollarini 2021-yilda o‘zlashtirish rejalashtirilgan. 2021—2023-yillarda foydalanishga topshiriladi. Xorijlik sherik/kreditor sifatida BAIC Group ko‘rsatilgan.
Mavzuga doir:
Avvalroq UzAuto Motors yangi standartlar joriy etilishi tufayli Asakadagi zavodni vaqtincha to‘xtatgani to‘g‘risida xabar berilgandi.
