Tadbirkorlarning murojaatlarini qabul qilish va tahlil etish bo‘yicha tashkil etilgan shtabga kelib tushgan murojaatlarning 78 foizdan ortig‘i hal etilgan. Bu haqda AOKAda o‘tkazilgan brifingda Investitsiyalar va tashqi savdo vazirligi axborot xizmati rahbari Gulshan Botirova ma’lum qildi.
Prezident Shavkat Mirziyoyevning tadbirkorlar bilan bo‘lajak “ochiq muloqoti”ga tayyorgarlik ko‘rish doirasida tadbirkorlarning murojaatlarini qabul qilish va tahlil etish bo‘yicha shtabga 14 643 ta murojaat kelib tushgan. Ularning barchasi 16 ta sohaga bo‘lingan.
Tadbirkorlarimizni qiziqtirgan top-5 masala quyidagilar:
- biznesni moliyalashtirish, kreditlash va subsidiyalar bo‘yicha — 6304 ta murojaat;
- yer ajratish masalalari bo‘yicha — 2701 ta;
- biznesni boshlash bo‘yicha g‘oyalar — 556 ta;
- xususiy mulkni himoya qilish bo‘yicha — 473 ta;
- muhandislik-kommunikatsiya infratuzilmasi bo‘yicha — 419 ta.
Bundan avval Shavkat Mirziyoyev tadbirkorlar bilan uchrashuvga tayyorgarlikning borishi bo‘yicha yig‘ilish o‘tkazgani, O‘zbekiston Prezidenti bilan bo‘ladigan uchrashuvda tadbirkorlarning qaysi qatlami ishtirok etishi hamda Toshkentda o‘zganing tovar belgisidan noqonuniy foydalanib kelgan Subway kafesining rahbari jarimaga tortilgani haqida xabar berilgandi.
Izoh (0)