Тадбиркорларнинг мурожаатларини қабул қилиш ва таҳлил этиш бўйича ташкил этилган штабга келиб тушган мурожаатларнинг 78 фоиздан ортиғи ҳал этилган. Бу ҳақда АОКАда ўтказилган брифингда Инвестициялар ва ташқи савдо вазирлиги ахборот хизмати раҳбари Гулшан Ботирова маълум қилди.
Президент Шавкат Мирзиёевнинг тадбиркорлар билан бўлажак «очиқ мулоқоти»га тайёргарлик кўриш доирасида тадбиркорларнинг мурожаатларини қабул қилиш ва таҳлил этиш бўйича штабга 14 643 та мурожаат келиб тушган. Уларнинг барчаси 16 та соҳага бўлинган.
Тадбиркорларимизни қизиқтирган топ-5 масала қуйидагилар:
- бизнесни молиялаштириш, кредитлаш ва субсидиялар бўйича — 6304 та мурожаат;
- ер ажратиш масалалари бўйича — 2701 та;
- бизнесни бошлаш бўйича ғоялар — 556 та;
- хусусий мулкни ҳимоя қилиш бўйича — 473 та;
- муҳандислик-коммуникация инфратузилмаси бўйича — 419 та.
Бундан аввал Шавкат Мирзиёев тадбиркорлар билан учрашувга тайёргарликнинг бориши бўйича йиғилиш ўтказгани, Ўзбекистон Президенти билан бўладиган учрашувда тадбиркорларнинг қайси қатлами иштирок этиши ҳамда Тошкентда ўзганинг товар белгисидан ноқонуний фойдаланиб келган Subway кафесининг раҳбари жаримага тортилгани ҳақида хабар берилганди.
Изоҳ (0)