Toshkent shahrining Mirobod tumanida joylashgan Subway kafesi egasi o‘zganing tovar belgisidan noqonuniy foydalangani uchun jarimaga tortildi. Bu haqda Intellektual mulk agentligi xabar berdi.
Qonunbuzarlik holati Intellektual mulk agentligi monitoring bo‘limi xodimlari o‘tkazgan tekshiruvlar davomida aniqlangan.
Holat bo‘yicha agentlik xodimlari tomonidan tadbirkor qonun talablari tanishtirilgan va tegishli tartibda bayonnoma rasmiylashtirilib, sud tartibida jarima undirilgan.
Shuni alohida ta’kidlashni istardimki, tovar belgisidan ruxsatsiz foydlanish orqali ayrim uddaburonlar boshqa tadbirkorlarga moddiy zarar yetkazadi, ko‘p hollarda imijlari, to‘plagan obro‘siga putur yetkazadi.
Vaholanki, ‘Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida’gi qonunga binoan tovar belgisidan litsenziya shartnomasiga asosan foydalanish qoidalari to‘g‘risida batafsil yozilgan. Shunday ekan tadbirkorlardan o‘z brendlarini yaratishni yoki o‘zgalar tovar belgisidan shartnoma asosida foydalanishlarini so‘rab qolamiz”, — deydi Intellektual mulk huquqlari sohasida monitoring bo‘l
imi boshlig‘i Begzod Ro‘ziyev.
Avvalroq O‘zbekistonda Red Bull saqichini ishlab chiqaruvchilar 2,4 million so‘m jarimaga tortilgani to‘g‘risida xabar berilgandi.
Izoh (0)