Bugun,

  • USD 11014.01
  • RUB 191.8
  • EUR 10674.78

Qirg‘izistonda harbiy xizmatchilarda nojo‘ya ta’sirlar aniqlanganidan keyin taqiqlangan koronavirusga qarshi AstraZeneca vaksinasidan foydalanish qayta boshlandi. Bu haqda mamlakat Sog‘liqni saqlash vazirligi ma’lum qildi.

Foto: AFP

Foto: AFP

“AstraZeneca vaksinasidan foydalanish Respublika bo‘yicha 9-avgustdan qayta boshlanadi. Immunizatsiyadan keyin kuzatilgan barcha nojo‘ya ta’sirlar jiddiy bo‘lmagan xususiyatga ega, ular vaksinatsiyaga xos bo‘lib, 12-24 soat ichida o‘tib ketadi”, — deyiladi vazirlik xabarida.

Mutaxassislar ma’lumotlariga ko‘ra, Jalolobod viloyatidagi Ola-Buqa qishlog‘ida joylashgan harbiy qismning 56 nafar harbiy xizmatchisi 5-avgustdan buyon tibbiy kuzatuv ostida bo‘lgan, hozirda ularning ahvoli qoniqarli.

“Harbiy xizmatchilar keyingi kuzatuvlarni o‘tkazish uchun tibbiy qismga yuborildi. Vaksina kiritilganidan keyin odatda paydo bo‘ladigan klinik simptomlar (39 darajadan yuqori gipertermiya, bosh og‘rig‘i) organizmning vaksinaga reaksiyasi sifatida baholandi. Sabablar yoshlarning sarosimali holati (qo‘rquv, notinchlik) bilan bog‘liq”, — deya qayd etiladi vazirlik xabarida.

6-avgust kuni Qirg‘iziston Sog‘liqni saqlash vazirligi nojo‘ya ta’sirlar aniqlanganidan keyin ABX 3117 seriyali AstraZeneca vaksinasidan foydalanishni to‘xtatib qo‘ygan edi.

Eslatib o‘tamiz, dunyoda AstraZeneca vaksinasi orqali ommaviy emlashlar boshlanganidan so‘ng vaksinani qabul qilganlar orasida kasalxonaga yotqizish va o‘lim holatlari kuzatila boshladi. O‘lim holatini o‘rgangan shifokorlar ushbu dori bilan emlanganlarda tromblar hosil bo‘lganini aniqladi.

Shundan so‘ng bir qator mamlakatlar preparatdan foydalanishni to‘xtatib qo‘ydi. Xususan, Germaniya, Fransiya, ItaliyaIspaniya, Sloveniya, Portugaliya, Kipr, Niderlandiya, Avstriya, Daniya, Estoniya, Latviya, Litva, Bolgariya, Irlandiya, Lyuksemburg, Norvegiya va Islandiya, shuningdek, Yevropadan tashqaridagi Indoneziya, Kongo va Janubiy Afrika mamlakatlarida mazkur vaksinadan foydalanish to‘xtatilgan.

O‘sha paytlarda (mart o‘rtalarida) Qirg‘iziston COVAX dasturi doirasida mamlakatga koronavirusga qarshi AstraZeneca vaksinaning yetkazib berilishi masalasini ko‘rib chiqishni to‘xtatgan, bunga ba’zi yuridik masalalar to‘sqinlik qilayotgani aytilgan edi. Iyul o‘rtalarida mamlakatda Ozarbayjondan gumanitar yordam sifatida 40 ming dozada AstraZeneca vaksinasi qabul qilib olindi, iyul oxirlarida esa COVAX dasturi orqali shu vaksinadan yana 226 mingdan ortiq doza olib kelindi.

JSST AstraZeneca vaksinasidan foydalanishni to‘xtatishga sabab ko‘rmayotganini ma’lum qildi. Keyinroq AstraZeneca emlashning nojo‘ya ta’siri to‘g‘risidagi xabarlarga javob berdi. O‘zbekistonda esa ushbu vaksinadan foydalanish davom etishi ma’lum qilindi. Vaksina 17-mart kuni Toshkent xalqaro aeroportiga olib kelindi.

Izoh
Asosiy yangiliklar
Mahalliy
Andijonda sodir etilgan mudhish qotillik yuzasidan mahalla mas’ullari va hudud noziriga nisbatan xizmat tekshiruvi tayinlangan — Bosh prokuratura
Mahalliy
O‘zbekiston internetda mualliflik huquqlarini himoya qilishga oid xalqaro bitimni tasdiqladi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi