Qarshida 18 yoshli qiz sevgan yigiti tomonidan besh oy davomida zo‘rlab kelingani, tergovchi holat bo‘yicha jinoyat ishi qo‘zg‘atishni rad etgani to‘g‘risida xabar berilgandi. Bosh prokuratura matbuot kotibi Hayot Shamsutdinovning ma’lum qilishicha, mazkur jinoyat ishi qo‘zg‘atishni rad qilish qarori Qarshi shahar prokuraturasi tomonidan nazorat tartibida o‘rganilgan.
Ma’lum qilinishicha, jinoyat ishi qo‘zg‘atishni rad qilish to‘g‘risidagi qaror Qarshi shahar prokuraturasi tomonidan o‘rganib chiqilgan va 27-iyul kuni bekor qilingan.
To‘plangan hujjatlar qo‘shimcha tekshirish harakatlarini olib borish uchun Qarshi shahar IIB Tergov bo‘limiga yuborilgan.
Hozirda tekshirish harakatlari olib borilmoqda.
Avvalroq Buxoroda 14 yoshli qizni zo‘rlab kelgan cho‘pon 3 yilga ozodlikdan mahrum qilingani, Navoiyda maktab o‘quvchisi homilador bo‘lib qolgani hamda Toshkent viloyatida 14 yoshli qizning nomusiga tegganlikda gumonlanayotgan shaxs qamoqqa olingani haqida xabar berilgandi.
Izoh (0)