2021-yilning iyunida Yangi O‘zbekiston universiteti tashkil etilgandi. Prezident ta’lim muassasalari agentligi ushbu universitet yo‘nalishlari va qabul kvotasi haqida ma’lumot berdi.
Unga ko‘ra, universitetda 3 ta yo‘nalish bo‘ladi va ularning har biriga 100 tadan o‘rin ajratiladi:
- Mexanika muhandisligi (100 o‘rin);
- Kimyo muhandisligi (100 o‘rin);
- Dasturiy ta’minot muhandisligi (100 o‘rin).
- pasport nusxasi (doimiy propiska sahifasi bilan);
- umumiy o‘rta ta’lim (11-sinf negizida) yoki o‘rta maxsus, kasb-hunar ta’limi muassasasini tugatganligi haqidagi hujjat;
- ingliz tilini bilish darajasini tasdiqlovchi sertifikat (eng kamida IELTS 6.0 /TOEFL I BT 60 / DuDuo Lingo 95);
- Oxirgi uch oy ichida olingan fotosuratning elektron varianti.
Ma’lumot uchun, Yangi O‘zbekiston universiteti davlat oliy ta’lim muassasasi shaklida tashkil etilgan bo‘lib, asosiy vazifalari – nufuzli xorijiy o‘quv yurtlarining ta’lim dasturlari asosida yuksak kasbiy bilim va malakalarga ega bo‘lgan istiqbolli kadrlar tayyorlash, talabalarning intellektual qobiliyatini rivojlantirish, buning uchun har tomonlama qulay muhitni shakllantirish hisoblanadi.
O‘quv reja va dasturlar Massachusets texnologiya instituti hamda Myunxen texnika universiteti bilan birgalikda ishlab chiqiladi. Shuningdek, ular ta’lim sifatini nazorat qilish, laboratoriya va kutubxonalarni to‘ldirishga ko‘maklashadi. Universitetga germaniyalik rektor tayinlanishi kutilmoqda.
Izoh (0)