2021 йилнинг июнида Янги Ўзбекистон университети ташкил этилганди. Президент таълим муассасалари агентлиги ушбу университет йўналишлари ва қабул квотаси ҳақида маълумот берди.
Унга кўра, университетда 3 та йўналиш бўлади ва уларнинг ҳар бирига 100 тадан ўрин ажратилади:
- Механика муҳандислиги (100 ўрин);
- Кимё муҳандислиги (100 ўрин);
- Дастурий таъминот муҳандислиги (100 ўрин).
- паспорт нусхаси (доимий прописка саҳифаси билан);
- умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжат;
- инглиз тилини билиш даражасини тасдиқловчи сертификат (энг камида IELTS 6.0 /TOEFL I BТ 60 / DuDuo Lingo 95);
- Охирги уч ой ичида олинган фотосуратнинг электрон варианти.
Маълумот учун, Янги Ўзбекистон университети давлат олий таълим муассасаси шаклида ташкил этилган бўлиб, асосий вазифалари – нуфузли хорижий ўқув юртларининг таълим дастурлари асосида юксак касбий билим ва малакаларга эга бўлган истиқболли кадрлар тайёрлаш, талабаларнинг интеллектуал қобилиятини ривожлантириш, бунинг учун ҳар томонлама қулай муҳитни шакллантириш ҳисобланади.
Ўқув режа ва дастурлар Массачусетс технология институти ҳамда Мюнхен техника университети билан биргаликда ишлаб чиқилади. Шунингдек, улар таълим сифатини назорат қилиш, лаборатория ва кутубхоналарни тўлдиришга кўмаклашади. Университетга германиялик ректор тайинланиши кутилмоқда.
Изоҳ (0)