Boks bo‘yicha +91 kg vazn toifasida O‘zbekiston sharafini himoya qilayotgan Bahodir Jalolov Tokio—2020 Olimpiadasi yarim finalida Buyuk Britaniya vakili Freyzer Klarkni mag‘lub etib, finalga chiqdi.
Tokio—2020 Olimpiadasi finalida Bahodirga amerikalik Richard Torres raqib bo‘ladi. AQSh vakili yarim finalda qozog‘istonlik Kamshibek Kunkabayevni mag‘lubiyatga uchratdi.
Qayd etish kerak, Jalolov uchun Richard Torres begona emas. Bu ikki bokschi 2019-yil Rossiyaning Yekaterinburg shahrida o‘tgan Jahon chempionati chorak finalida to‘qnash kelgandi. Unda Bahodir raqibini birinchi raundda chuqur nokautga uchratib, g‘alabaga erishgandi.
Bahodir Jalolov va Richard Torres o‘rtasidagi jang Olimpiadaning so‘nggi kuni 8-avgustda bo‘lib o‘tadi.
Izoh (0)