Tokio—2020 Olimpiadasida O‘zbekiston boks bo‘yicha faqat bitta medal qo‘lga kiritadi. Rio—2016 da 7 bokschi sovrindor bo‘lgandi

Tokio—2020 Olimpiadasida boks musobaqalarining barcha chorak final uchrashuvlari yakunlandi va yarim final ishtirokchilari ma’lum bo‘ldi.

Yarim finalga chiqqan bokschilar kamida bronza medalini naqd qilib qo‘ydi. Shu tariqa 52 nafar medal sohibi ma’lum bo‘ldi.

Yarim finalga qadar 25 ta mamlakat vakillari yetib keldi. Boksda eng ko‘p medalga Buyuk Britaniya va Rossiya vakillari ega chiqadi — 6 tadan. O‘zbekistondan esa yarim finalga bor-yo‘g‘i bir nafar bokschi yo‘l oldi.

Solishtirish uchun, O‘zbekiston boks terma jamoasi Rio—2016 Olimpiadasida 3 ta oltin, 2 ta kumush va 2 ta bronzaga ega chiqib, umumjamoa hisobida birinchi o‘rinni qo‘lga kiritgandi.