Токио—2020 Олимпиадасида бокс мусобақаларининг барча чорак финал учрашувлари якунланди ва ярим финал иштирокчилари маълум бўлди.
Ярим финалга чиққан боксчилар камида бронза медалини нақд қилиб қўйди. Шу тариқа 52 нафар медал соҳиби маълум бўлди.
Ярим финалга қадар 25 та мамлакат вакиллари етиб келди. Боксда энг кўп медалга Буюк Британия ва Россия вакиллари эга чиқади — 6 тадан. Ўзбекистондан эса ярим финалга бор-йўғи бир нафар боксчи йўл олди.
Солиштириш учун, Ўзбекистон бокс терма жамоаси Рио—2016 Олимпиадасида 3 та олтин, 2 та кумуш ва 2 та бронзага эга чиқиб, умумжамоа ҳисобида биринчи ўринни қўлга киритганди.
Бокс бўйича Токио—2020 Олимпиадасида медални нақд қилган спортчилар (мамлакатлар кесимида)
6 — Буюк Британия, Россия
5 — Куба
4 — АҚШ
3 — Бразилия, Япония, Филиппин
2 — Ирландия, Туркия, Хитой, Қозоғистон
1 — Ўзбекистон, Озарбайжон, Австралия, Италия, Ҳиндистон, Сенегал, Украина, Хитой Тайпейи, Болгария, Арманистон, Таиланд, Финляндия, Янги Зеландия.
Изоҳ (0)