Namangan viloyati To‘raqo‘rg‘on tumanida sobiq xotiniga pichoq bilan jarohat yetkazgan shaxs ushlandi, deya xabar qilmoqda viloyat IIB matbuot xizmati.
Ma’lum qilinishicha, 2021-yil 28-iyul kuni soat 14:30 larda, To‘raqo‘rg‘on tumanida yashovchi (1987-yilda tug‘ilgan) fuqaro mahallasidagi sinfdoshi (1987-yilda tug‘ilgan) ning uyida o‘tkazilgan to‘yda, sobiq turmush o‘rtog‘i (To‘raqo‘rg‘on tumanida yashovchi, 1987-yilda tug‘ilgan) bilan o‘rtalarida og‘zaki tortishuv sodir bo‘lgan.
Shu sababli to‘y o‘tkazilgan xonadondan chiqib, ko‘chada oshxona pichog‘i bilan sobiq turmush o‘rtog‘ining ko‘krak qafasi chap tomon old yuzasiga ikki marotaba va bel sohasiga ikki marotaba urgan vaqtida, ushbu joyda bo‘lgan sinfdoshlari uni tortib olgani sababli jinoyatini o‘ziga bog‘liq bo‘lmagan holda oxiriga yetkaza olmagan.
Oqibatda ayol tan jarohati olib, shifoxonaga yotqizilgan.
Ushbu holat bo‘yicha To‘raqo‘rg‘on tuman prokuraturasi tomonidan 2021-yil 28-iyul kuni Jinoyat kodeksining 25, 97-moddasi 1-qismi (qasddan odam o‘ldirish) bilan jinoyat ishi qo‘zg‘atilib, fuqaroni Jinoyat protsessual kodeksining 221-moddasi tartibida ushlangan.
Bundan avval Toshkentda yo‘l chetida ayolga kuch ishlatib, sochidan tortgan erkak videosi yuzasidan ma’lumot berilgani, Andijonda shar’iy nikohdagi eri boshqaga uylanayotgani uchun uni o‘ldirgan ayol 10 yilga qamalgani hamda Namanganda mast er 34 yoshli xotinini rashk sabab ish joyida pichoqlab o‘ldirgani haqida xabar berilgandi.
Izoh (0)