Наманган вилояти Тўрақўрғон туманида собиқ хотинига пичоқ билан жароҳат етказган шахс ушланди, дея хабар қилмоқда вилоят ИИБ матбуот хизмати.
Маълум қилинишича, 2021 йил 28 июль куни соат 14:30 ларда, Тўрақўрғон туманида яшовчи (1987 йилда туғилган) фуқаро маҳалласидаги синфдоши (1987 йилда туғилган) нинг уйида ўтказилган тўйда, собиқ турмуш ўртоғи (Тўрақўрғон туманида яшовчи, 1987 йилда туғилган) билан ўрталарида оғзаки тортишув содир бўлган.
Шу сабабли тўй ўтказилган хонадондан чиқиб, кўчада ошхона пичоғи билан собиқ турмуш ўртоғининг кўкрак қафаси чап томон олд юзасига икки маротаба ва бел соҳасига икки маротаба урган вақтида, ушбу жойда бўлган синфдошлари уни тортиб олгани сабабли жиноятини ўзига боғлиқ бўлмаган ҳолда охирига етказа олмаган.
Оқибатда аёл тан жароҳати олиб, шифохонага ётқизилган.
Ушбу ҳолат бўйича Тўрақўрғон туман прокуратураси томонидан 2021 йил 28 июль куни Жиноят кодексининг 25, 97-моддаси 1-қисми (қасддан одам ўлдириш) билан жиноят иши қўзғатилиб, фуқарони Жиноят процессуал кодексининг 221-моддаси тартибида ушланган.
Бундан аввал Тошкентда йўл четида аёлга куч ишлатиб, сочидан тортган эркак видеоси юзасидан маълумот берилгани, Андижонда шаръий никоҳдаги эри бошқага уйланаётгани учун уни ўлдирган аёл 10 йилга қамалгани ҳамда Наманганда маст эр 34 ёшли хотинини рашк сабаб иш жойида пичоқлаб ўлдиргани ҳақида хабар берилганди.
Изоҳ (0)