Vaksina qabul qilish insonning farzand ko‘rish qobiliyatiga umuman ta’sir o‘tkazmaydi. Bu haqda AOKAda o‘tkazilgan matbuot anjumanida innovatsion rivojlanish vaziri Ibrohim Abdurahmonov hamda vazir o‘rinbosari Shahlo Turdiqulova ma’lum qildi.
“Bugungi kunda koronavirusga qarshi emlangandan keyin homilador bo‘lgan ayollar bor va ularning ahvoli muntazam nazorat qilib borilmoqda.
Dastlabki emlash bosqichlaridan buyon 7-8 oy vaqt o‘tdi va shu davr mobaynida birorta ayolda nojo‘ya ta’sir kuzatilmagan. Eng muhimi, vaksina olgani ularning homilador bo‘lishiga hech qanday to‘sqinlik ko‘rsatmagan”, – deydi vazir o‘rinbosari.
Mavzuga doir: “O‘zbekistonda koronavirusga qarshi emlanganlar orasida o‘lim kuzatilgani yo‘q” — Botir Qurbonov
Izoh (0)