Ijtimoiy tarmoqlarda tarqalgan “Zomin tog‘larida yana yong‘inmi?” sarlavhali xabarga Jizzax viloyati Favqulodda vaziyatlar boshqarmasi rasmiy munosabat bildirdi.
Qayd etilishicha, 2021-yilning 1-avgust kuni soat 10:40 larda Zomin tumanida ro‘y bergan yong‘in soat 18:20 larda bartaraf etilgan bo‘lib, hozirda hududda yong‘indan keyingi tozalash ishlari amalga oshirilmoqda.
Hududda favqulodda vaziyatlarning oldini olish va bunday vaziyatlarda harakat qilish davlat tizimi (FVDT) organlari shaxsiy tarkibi va maxsus texnikalari faoliyat yuritmoqda.
Ta’kidlanishicha, vaziyat to‘liq nazorat ostida.
Bundan avval Jizzaxdagi Zomin tog‘larida yuz bergan yong‘in o‘chirilgani haqida xabar berilgandi.
Izoh (0)