Bugun,

  • USD 10920.28
  • RUB 177.49
  • EUR 11052.42

Koronavirusga qarshi kurash shtabi a’zosi AOKAda o‘tkazilgan brifingda O‘zbekistonda bugungi kungacha vaksinatsiya jarayonlari amalga oshirilganidan so‘ng qancha noxush holatlar qayd etilgani to‘g‘risidagi savolga javob berdi.

Ma’lum qilinishicha, O‘zbekiston hududida bugungi kungacha 6,5 milliondan ortiq fuqaro emlangan. Birorta fuqaroda o‘ta og‘ir, og‘ir holatlar, letal yoki o‘lim holatlari vaksinatsiyadan keyin kuzatilmagan.

“Faqatgina mahalliy reaksiyalar kuzatilmoqda. Bular vaksina qilingan joyda – yelka mushagida ozgina shish, qizarish yoki qichishish, tana haroratining 1-3 kungacha biroz ko‘tarilishi, odam o‘zini bir oz noxush his qilishi va boshqa mahalliy reaksiyalar. Mahalliy reaksiyalar, albatta, foydali. Bu organizmda virusga qarshi immun tizim ishga tushganidan dalolat beradi”, — deydi Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov.

Avvalroq Botir Qurbonov agar birinchi doza vaksinani olib, ikkinchisi bilan emlanmagan yoki ikkita bosqichda emlanib, 3-doza vaksina olinmagan bo‘lsa, 12 hafta muddat ichida keyingi doza bosqichlarini davom ettirish mumkinligini ma’lum qilgandi.

Ma’lumot uchun, 29-iyul holatiga ko‘ra O‘zbekistonda koronavirusga qarshi qo‘llanilgan vaksinalar soni 7 million dozadan oshgan. Shu kungacha koronavirusga qarshi to‘liq emlab bo‘linganlar soni esa 1 170 003 nafarni tashkil qilmoqda.

Izoh
Asosiy yangiliklar
Mahalliy
O‘zbekistonda aholining qaysi qatlamiga ko‘proq kredit ajratilayotgani ma’lum bo‘ldi
Mahalliy
Shavkat Mirziyoyev Masjidun Nabaviyda ikki rakat namoz o‘qidi (video)
Madaniyat
“Sharoitni ko‘rib yig‘laysiz”. Vazirlar borolmaydigan ijodkorlarning ijara yotoqxonasiga sayohat (foto va video)