Internetda Range Rover Classic haydovchisi qo‘lbola shnorkel (dvigatelning suv ostida ishlashini ta’minlaydigan qurilma) yordamida ko‘lni bosib o‘tgani tasvirlangan video tarqaldi. Avtomobil egasi oynalarni yopmagani sabab suzib o‘tish vaqtida kislorod yutishga majbur bo‘lgan. Videoga ko‘ra, mashina hech qanday muammolarsiz yo‘lini davom ettirgan, deb xabar beradi Motor.
Yo‘ltanlamaslari bor aksariyat haydovchilar o‘z avtomobillari imkoniyatini suvli yoki kichik irmoqlarni bosib o‘tishda sinovdan o‘tkazadi. Biroq beshta eshikli mazkur Range Rover Classic egasi katta ko‘l ostida harakatlanishga qaror qilgan. Yo‘ltanlamas suv ostiga to‘liq cho‘kishini uchun shronkel vazifasini bajaruvchi trubadan foydalanilgan. Bundan tashqari, avtomobil qator texnik modifikatsiyadan o‘tgan bo‘lib, Range Rover’ning motor bo‘lmasi va elektr o‘tkazgichlari germetiklangan.
Suv ostida harakatlanish vaqtida Range Rover’ning yuk bo‘lmasi va barcha oynalari ochiq holda bo‘lgan, shu sababli salonga suv kirmasligi haqida gap bo‘lishi mumkin emas. Shu bilan birga, yo‘ltanlamas suv ostiga to‘liq kirib ketgan vaqtida haydovchi oynadan boshini chiqarib, nafas olishga va yo‘nalishni aniqlab olishga majbur bo‘lgan. Natijada avtomobil bu kabi qattiq sinovdan muvaffaqiyatli o‘tib, ko‘lning qarama-qarshi qirg‘og‘iga o‘tgan.
https://www.instagram.com/p/CRjFWL6n040/
Avvalroq britaniyalik blogerlar yangi Lada Niva’ni test-drayv vaqtida ko‘lga cho‘ktirib yuborgandi.
Izoh (0)