Toshkent shahri Yakkasaroy tumanida “VAZ-2114” (Lada Samara) avtomobili ag‘darilib ketdi, deya xabar bermoqda YHXBB.
Dastlabki ma’lumotlarga ko‘ra, 2021-yilning 31-iyul kuni soat 16:20 larda Yakkasaroy tumani Muqumiy ko‘chasida haydovchi, 1981-yilda tug‘ilgan X.T. “VAZ–2114” rusumli avtomobilda harakatlanayotib boshqaruvni yo‘qotgan va transport vositasi ag‘darilgan.
Ag‘darilish oqibatida avtomobilda yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.
Mazkur hodisa natijasida bir nafar yo‘lovchiga birinchi tez tibbiy yordam ko‘rsatilgan.
Holat yuzasidan Toshkent shahar IIBB YHXB xodimlari tomonidan surishtiruv olib borilmoqda.
Bundan avval Qarshi shahrida harakatlanib ketayotgan avtomobil yonib ketgani, Surxondaryodagi metan zapravkada “UAZ”ga o‘rnatilgan gaz balloni portlab ketgani hamda Toshkentda yo‘lovchi tashuvchi “Gazel” yonib ketgani haqida xabar berilgandi.
Izoh (0)