Интернетда Range Rover Classic ҳайдовчиси қўлбола шноркел (двигателнинг сув остида ишлашини таъминлайдиган қурилма) ёрдамида кўлни босиб ўтгани тасвирланган видео тарқалди. Автомобиль эгаси ойналарни ёпмагани сабаб сузиб ўтиш вақтида кислород ютишга мажбур бўлган. Видеога кўра, машина ҳеч қандай муаммоларсиз йўлини давом эттирган, деб хабар беради Motor.
Йўлтанламаслари бор аксарият ҳайдовчилар ўз автомобиллари имкониятини сувли ёки кичик ирмоқларни босиб ўтишда синовдан ўтказади. Бироқ бешта эшикли мазкур Range Rover Classic эгаси катта кўл остида ҳаракатланишга қарор қилган. Йўлтанламас сув остига тўлиқ чўкишини учун шронкел вазифасини бажарувчи трубадан фойдаланилган. Бундан ташқари, автомобиль қатор техник модификациядан ўтган бўлиб, Range Rover’нинг мотор бўлмаси ва электр ўтказгичлари герметикланган.
Сув остида ҳаракатланиш вақтида Range Rover’нинг юк бўлмаси ва барча ойналари очиқ ҳолда бўлган, шу сабабли салонга сув кирмаслиги ҳақида гап бўлиши мумкин эмас. Шу билан бирга, йўлтанламас сув остига тўлиқ кириб кетган вақтида ҳайдовчи ойнадан бошини чиқариб, нафас олишга ва йўналишни аниқлаб олишга мажбур бўлган. Натижада автомобиль бу каби қаттиқ синовдан муваффақиятли ўтиб, кўлнинг қарама-қарши қирғоғига ўтган.
https://www.instagram.com/p/CRjFWL6n040/
Аввалроқ британиялик блогерлар янги Lada Niva’ни тест-драйв вақтида кўлга чўктириб юборганди.
Изоҳ (0)