Afg‘oniston janubidagi Qandahor aeroporti “Tolibon” terrorchilik harakati tomonidan raketa hujumiga uchradi, parvozlar to‘xtatildi. Bu haqda Reuters harakatning rasmiy vakili Zabihulla Mujohidga tayanib xabar berdi.
“Tolibon” bir kechaning o‘zida kamida uchta raketa uchirgan. Mujohidning so‘zlariga ko‘ra, hujumning maqsadi Afg‘oniston hukumat kuchlarining “Tolibon” pozitsiyalariga aviazarbalarining oldini olish bo‘lgan.
Hukumat ma’lumotlariga ko‘ra, raketa hujumi oqibatida uchish-qo‘nish yo‘lagining bir qismiga zarar yetgan, barcha reyslarni bekor qilish haqida qaror qabul qilingan.
Avvalroq Afg‘onistonda bir kunda sodir bo‘lgan ikkita YTH oqibatida 20 nafar odam halok bo‘lgani xabar berilgan edi.
Iyul oyida AQSh o‘z qo‘shinlarining katta qismini Afg‘onistonda olib ketdi. Shundan keyin mamlakatda “Tolibon” jangarilarining hujumlari boshlandi. Ayni paytda “Tolibon” Afg‘oniston chegaralarining taxminan 90 foizini nazorat qilmoqda va yirik shaharlarga hujum uyushtirmoqda.
Izoh (0)