26-iyul kuni O‘zbekiston bo‘yicha juda issiq ob-havo saqlanib turadi, faqat Qoraqalpog‘istonda va Xorazm viloyatida issiqning biroz pasayishi kutilmoqda. Bu haqda “O‘zgidromet” xabar berdi.
Respublika bo‘ylab kunduz kuni havo harorati 41-44 darajagacha issiq, janubda va cho‘l hududlarida ba’zi joylarda 45-46 darajagacha issiq, Qoraqalpog‘istonda va Xorazm viloyatida 35-40 darajagacha issiq ko‘tariladi. Shamol tezligi 17-22 metr/soniyagacha kuchayishi kutilmoqda, ba’zi joylarda changli bo‘ron bilan 25-30 metr/soniyagacha kuchayishi mumkin.
Toshkent shahrida shamol tezligi 15-18 metr/soniyagacha kuchayishi va havo harorati 41-43 daraja issiqni tashkil etadi.
Tog‘li hududlarda havo biroz bulutli bo‘ladi, yog‘ingarchilik kutilmaydi. Shamol 7-12 metr/soniya tezlikda esadi, ba’zi joylarda 17-22 metr/soniyagacha kuchayadi, ba’zida esa 25-30 metr/soniyagacha kuchayishi mumkin. Havo harorati 28-33 daraja issiq bo‘ladi.
Avvalroq 24—26-iyul kunlari O‘zbekistonga Eron hududlaridan quruq va issiq havo oqimining kirib kelishi kutilayotgani to‘g‘risida xabar berilgandi. Toshkent shahar hokimligi shu munosabat bilan aholidan zarurat bo‘lmaganda ko‘chaga chiqmaslikni so‘ragan.
Izoh (0)