Andijonda Xitoydan endoskop tibbiy apparatini olib kelib berish evaziga 9500 ming dollar pul olib, 5500 dollarini o‘z ehtiyojlari uchun sarflab yuborgan shaxsga nisbatan jinoyat ishi qo‘zg‘atildi. Bu haqda “Daryo”ga viloyat IIB axborot xizmati xabar berdi.
Ta’kidlanishicha, viloyatning Oltinko‘l tumanida istiqomat qiluvchi fuqaro M.B. Andijon shahrida yashovchi fuqaro X.S.ning ishonchiga kirib, unga Xitoydan endoskop tibbiyot apparati olib kelib berishni va’da qilib, undan 9500 dollar pul olgan. Biroq M.B. tibbiyot apparatini olib kelib bermasdan X.S.dan olgan pullarning 4000 dollarini o‘ziga qaytarib berib, qolgan 5500 dollarni shaxsiy ehtiyojlari uchun sarflab yuborgan.Mazkur holat yuzasidan Andijon tuman ichki ishlar bo‘limi huzuridagi tergov bo‘linmasi tomonidan fuqaro M.B.ga nisbatan Jinoyat kodeksining 168-moddasi 2-qismi “a” (firibgarlik) bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)