Андижонда Хитойдан эндоскоп тиббий аппаратини олиб келиб бериш эвазига 9500 минг доллар пул олиб, 5500 долларини ўз эҳтиёжлари учун сарфлаб юборган шахсга нисбатан жиноят иши қўзғатилди. Бу ҳақда «Дарё»га вилоят ИИБ ахборот хизмати хабар берди.
Таъкидланишича, вилоятнинг Олтинкўл туманида истиқомат қилувчи фуқаро М.Б. Андижон шаҳрида яшовчи фуқаро Х.С.нинг ишончига кириб, унга Хитойдан эндоскоп тиббиёт аппарати олиб келиб беришни ваъда қилиб, ундан 9500 доллар пул олган. Бироқ М.Б. тиббиёт аппаратини олиб келиб бермасдан Х.С.дан олган пулларнинг 4000 долларини ўзига қайтариб бериб, қолган 5500 долларни шахсий эҳтиёжлари учун сарфлаб юборган.Мазкур ҳолат юзасидан Андижон туман ички ишлар бўлими ҳузуридаги тергов бўлинмаси томонидан фуқаро М.Б.га нисбатан Жиноят кодексининг 168-моддаси 2-қисми «а» (фирибгарлик) банди билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)