Qayd etilishicha, hokim ZF-UZ-VAC2001 vaksinasining ikkinchi dozasini olgan.“Hurmatli hamshaharlar, bugun o‘zbek–xitoy vaksinasining ikkinchi dozasini qabul qildim. O‘ylaymanki, koronavirusning oldini olishga juda katta yordam beradi.
Aholi bilan, shifoxonada yotganlar bilan gaplashyapmiz COVID-19 ga chalinganlardan ko‘ra vaksina olganlarning ahvoli ancha yengil kechyapti.
Nasib qilsa yana 20 kundan keyin vaksinaning 3-dozasini olamiz. Xudo xohlasa bu ko‘nglimiz xotirjam bo‘lishi uchun sabab bo‘ladi. Boshqalarga ham vaksina olishni tavsiya qilaman. Bu bilan oldimizda turgan og‘ir kasallikni bartaraf etishga yordam bergan bo‘lardik” – deydi shahar hokimi.
Eslatib o‘tamiz, Sog‘liqni saqlash vazirligi 26-iyun kuni “Men vaksina oldim” aksiyasi boshlanganini e’lon qildi. Aksiya doirasida vazirlik matbuot xizmati deyarli har kuni vaksina olgan yuqori martabali o‘zbekistonliklar haqida axborot berib kelmoqda. Ular orasida katta tibbiyot muassasalari rahbarlaridan tortib, viloyat hokimi-yu vazirlarigacha bor.
Xususan, Senat raisi Tanzila Norboyeva, mahalla va oilani qo‘llab-quvvatlash vaziri Rahmat Mamatov, O‘zbekiston madaniyat vaziri Ozodbek Nazarbekov, maktabgacha ta’lim vaziri Agrippina Shin, Namangan viloyati hokimi Shavkat Abdurazzoqov , xalq ta’limi vaziri Sherzod Shermatov, sobiq sog‘liqni saqlash vaziri Alisher Shodmonov va sog‘liqni saqlash vazirining o‘rinbosari – Toshkent shahar Sog‘liqni saqlash bosh boshqarmasi boshlig‘i Anvar Alimov, Oliy Majlis Qonunchilik palatasi deputati Rasul Kusherbayevlar emlangan.
Mavzuga doir: Foto: Emlangan o‘zbek amaldorlari
Izoh (0)