Қашқадарё вилоятида Eriell Group томонидан Jizzakh Petroleum МЧЖ ҚХ мутахассислари билан ҳамкорликда, «Шимолий Майманак» конининг 12-сонли қудуғидан саноат газ оқими олинди. Газ оқими 2450 метрлик чуқурликдаги қудуқни ўзлаштириш жараёнида олинди. Газ конденсат қоришмасининг дастлабки дебити суткасига 450—500 кубометрни ташкил этди.
Қудуқда сермаҳсул уфқларни ўзлаштириш ишлари давом эттирилмоқда, қатламлар параметрларини аниқлаш учун эса газ конденсат тадқиқотлари амалга оширилмоқда.
«Шимолий Майманак» кони 1979 йилда Қашқадарё вилоятида очилган. У Муборак ГҚИЗ’га олиб борувчи «Ўзбекнефтгаз» АЖ газ-транспорт тизимига уланган. Конда 11 та қудуқ бурғиланган бўлиб, уларнинг сўнггиси 1984 йил 3 июлда қурилиш билан якунланган.
Мазкур конда қудуқларни бурғилаш жорий йилнинг 21 май куни тикланган бўлиб, 2020 йилдан бошлаб Jizzakh Petroleum МЧЖ ҚХ унинг ер қаъридан фойдаланувчиси ҳисобланади. 12-сонли қудуқ икки ой давомида бурғиланган бўлиб, 1984 йилдан газ оқими олинган илк қудуқ бўлган.
Eriell Osme DMCC пудратчи компаниясининг лойиҳа гуруҳи буюртмачи Jizzakh Petroleum МЧЖ ҚХ мутахассислари билан ҳамкорликда навбатдаги эксплутациявий қудуқларни бурғилади.
«Шимолий Майманак» конида қудуқлар қурилиши АҚШ’да ишлаб чиқилган PMBOK лойиҳасини бошқариш бўйича халқаро стандартга мувофиқ амалга оширилмоқда.
Қудуқлар қурилиши Ўзбекистон Республикаси Президентининг 2019 йил 29 апрелдаги «Республика иқтисодиётига тўғридан-тўғри хорижий инвестисияларни жалб қилиш механизмларини янада такомиллаштириш чора-тадбирлари тўғрисида» қарорига мувофиқ амалга оширилмоқда. Янги қудуқларни қуриш истиқболлари ва тегишинча газ қазиб олиш республика иқтисодий имкониятларини янада кенгайтиришга хизмат қилади.
Eriell Group матбуот хизмати
Изоҳ (0)