Asov otni jilovlayotgan ayol, G‘azodagi harbiy yozgi lager, Tokiodagi haqiqatga aylanuvchi tush. 16-iyul suratlari
16-iyul kuni olingan sara suratlarni namoyish etamiz.
Bu yil ham Myunxenda Oktoberfest festivali bekor qilingani sababli bayramona kayfiyat ulashish uchun shahar markazida attraksionlar o‘rnatildi.Foto: Getty Images
Toshkentda 16-iyul kuni bo‘lib o‘tgan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” xalqaro konferensiyasining yalpi va sho‘ba majlislarida savdo-iqtisodiy, transport-kommunikatsion va madaniy-gumanitar sohalarda mintaqaviy bog‘liqlikni yanada mustahkamlashga qaratilgan imkoniyat va tashabbuslar muhokama qilindi. Suratda O‘zbekiston tashqi ishlar vaziri Abdulaziz Komilov yalpi majlisning birinchi seksiyasiga moderatorlik qilishdan avval hozirlik ko‘rmoqda.Foto: “Daryo” / Madina Nurman
Toshkentda 16-iyul kuni bo‘lib o‘tgan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” xalqaro konferensiyasiga kelgan Turkiya tashqi ishlar vaziri Mevlut Chavusho‘g‘lu o‘zbekistonlik jurnalistlarga intervyu bermoqda.Foto: “Daryo” / Madina Nurman
Shanxayda Xitoy Xalqaro komikslar va o‘yinlar ko‘rgazmasi ochildi.Foto: EPA
O‘zbekistonning Turkiyadagi favqulodda va muxtor elchisi Alisher A’zamxo‘jayev Toshkentda 16-iyul kuni bo‘lib o‘tgan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” xalqaro konferensiyasida moderatorni o‘yga tolib tinglamoqda.Foto: “Daryo” / Madina Nurman
G‘azodagi yoshlar uchun yozgi harbiy lagerda tarbiyalanayotgan falastinlik.Foto: EPA
O‘zbekiston oliy ta’lim vaziri Abduqodir Toshqulov Toshkentda 16-iyul kuni bo‘lib o‘tgan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” xalqaro konferensiyasidan avval Larisa Burakovaning “Gruziya muvaffaqiyatga qanday erishdi?” kitobini diplomatiga solib qo‘ymoqda.Foto: “Daryo” / Madina Nurman
Tartu shahrida Rally Estonia poygalari boshlandi.Foto: “TASS”
Germaniyada kuchli yomg‘ir va suv toshqini oqibatida yuzaga kelgan ko‘chki.Foto: EPA
Kashmirdagi Shirinagar shahrida jangarilar va Hindiston harbiy kuchlari o‘rtasida otishma paytida shikast yetgan uyning ichiga qarayotgan ayol.Foto: Shutterstock
Shveysariyaning Bern shahrida kuchli yomg‘ir tufayli Are daryosi toshib ketdi. Oqibatda shahar ko‘chalari suv bilan to‘ldi.Foto: EPA
Belgiyaning Vervyer shahridagi bo‘ron oqibatida zarar ko‘rgan uy.Foto: Reuters
Mumbaydagi kuchli yog‘ingarchilikdan keyin suv bosgan ko‘chada yurib ketayotgan yomg‘irpo‘sh kiygan yigit. Hindistonda mussonlar mavsumi boshlandi.Foto: Reuters
“Masayume” deb nomlangan loyihaning bir qismi sifatida Tokioning Yoyogi bog‘i ustida uchayotgan havo shari. “Masayume” yapon tilidan tarjima qilganda haqiqatga aylanadigan tush ma’nosini beradi.Foto: AFP
Floridadagi 12 qavatli bino qulashi oqibatida qurbon bo‘lganlar xotirasiga motam tutilmoqda.Foto: AP Photo
Germaniyadagi Hagen shahri yaqinidagi Volum daryosi toshganidan keyin shahar ariqlarida yotgan baliqlar.Foto: Getty Images
Glazgoda Indiana Jons haqidagi beshinchi filmning suratga olish ishlari davom etmoqda.Foto: Getty Images
Pekindagi Tyananmen darvozasi yonidagi “Qizil devor”da suratga tushayotgan tashrif buyuruvchilar.Foto: “TASS”
Chavandoz Shelbi Pirson Kanadaning Kalgari shahrida rodoe (asov ot yoki buqani jilovlashga qaratilgan sport turi) bilan shug‘ullanyapti.Foto: “TASS”
Fransiyada Tour de France velopoygasining o‘n to‘qqizinchi bosqichi o‘tkazilmoqda.Foto: EPA
Texas shtatida Vilyam King III saylovlarda ovoz berishni qiyinlashtiradigan respublikachilarning qonunlariga qarshi norozilik paytida gubernator Greg Abbottning oldida tiz cho‘kmoqda.Foto: AP Photo
Izoh (0)