Toshkent shahrida 2021-yilning 15—16-iyul kunlari bo‘lib o‘tadigan “Markaziy va Janubiy Osiyo: mintaqaviy o‘zaro bog‘liqlik. Tahdid va imkoniyatlar” mavzusidagi xalqaro konferensiyada ishtirok etish uchun O‘zbekistonga kelgan Turkiya tashqi ishlar vaziri Mevlut Chavusho‘g‘lu o‘z safarini Farg‘onadan boshladi. Bu haqda “Daryo” muxbiri xabar bermoqda.

Foto: “Daryo”

Foto: “Daryo”

Mevlut Chavusho‘g‘luni Farg‘ona xalqaro aeroportida madaniyat vaziri Ozodbek Nazarbekov, turizm va sport vazirining birinchi o‘rinbosari Ulug‘bek Azamov, Farg‘ona viloyati hokimining o‘rinbosari Iqboljon Ergashev kutib oldi.

Foto: “Daryo”

Tashrif davomida mehmonlarga O‘zbekistonning Turkiyadagi favqulodda va muxtor elchisi Alisher A’zamxo‘jayev hamda Turkiyaning O‘zbekistondagi favqulodda va muxtor elchisi Olgan Bekar hamrohlik qildi.

Foto: “Daryo”

Foto: “Daryo”

Turkiya tashqi ishlar vaziri Marg‘ilondagi Hunarmandlar markazini borib ko‘rdi. Mehmonlar markazning to‘quv sexida bo‘lib, turfa rangda tovlanuvchi ipakdan atlas, adras, shoyi, baxmal, beqasam matolar to‘qish jarayoni bilan tanishdi.

Foto: “Daryo”

Mehmonlar markazda qo‘l mehnati asosida tayyorlangan naqshinkor ipak gilamlar Turkiyada ham ancha mashhur ekanini alohida qayd etdi.

Foto: “Daryo”

Mevlut Chavusho‘g‘lu Oltiariq tumanidagi uzum bog‘larida bo‘ldi. Paykallardan qovun va tarvuz uzib, ularni tatib ko‘rdi.

Foto: “Daryo”

Foto: “Daryo”

Foto: “Daryo”

Turkiya tashqi ishlar vaziri Qo‘qon shahrida bo‘lib, viloyatdagi ilk xususiy oliy o‘quv yurti — Qo‘qon universiteti faoliyati bilan tanishdi.

Foto: “Daryo”

Mehmonlar sharafiga o‘zbek-turk milliy madaniy markazi qoshidagi “Axska yildizlari” bolalar ansambli tomonidan turkcha kuy-qo‘shiqlar va raqslar ijro etildi.

Foto: “Daryo”

Foto: “Daryo”

Foto: “Daryo”

Mavlut Chavusho‘g‘lu Qo‘qon universitetining faxriy mehmonlar kitobiga samimiy tilaklarini yozib qoldirdi:

“Tarixiy Qo‘qon, deya nom olib kelgan bu mo‘jaz shaharning ilm markazida va qadim bir madaniyatga mezbonlik qilgan ota tuproqlarda ekanligimdan katta baxt va hayajon his qilyapman. Bugungi kun va kelajak orasida aloqa o‘rnatayotgan Qo‘qon universitetining o‘qituvchilariga hamda bu yerda tahsil olayotgan farzandlarimizga omadlar tilayman!

Foto: “Daryo”

O‘zbekistonlik qardoshlarimiz muvaffaqiyatlaridan g‘urur-iftixor his etyapman. Bu universitetda O‘zbekiston uchun ko‘plab muvaffaqiyatlarga asos solinishiga umid qilaman”.

Keyingi manzil shahardagi mashhur O‘rda maydoni va Xudoyorxon saroyi bo‘ldi. Bu yerdagi tarixiy eksponatlar mehmonlar e’tiborini tortdi.

Foto: “Daryo”

Jome majmuasiga tashrif davomida Turkiya tashqi ishlar vaziri Qo‘qon holvasining tayyorlanish jarayoniga guvoh bo‘ldi. Qo‘qon shahrining boy tarixi, madaniyati va hunarmandchiligi bilan tanishdi.

Foto: “Daryo”

Shu kunning o‘zida Mevlut Chavusho‘g‘lu Farg‘onaga tashrifini yakunlab, Toshkentga uchib ketdi.