Ijtimoiy tarmoqlarda turmush o‘rtog‘ining 400 milliondan ortiq pulini 1XBet totalizator o‘yini orqali yutqazib qo‘ygan ayol haqida xabar tarqaldi.
Ta’kidlanishicha, erkak IIBga plastik kartasidagi 400 million so‘mdan ortiq pul yo‘qolganini aytib, murojaat qilgan.
Murojaat yuzasidan surishtiruv ishlari olib borilganda fuqaroning xotini ushbu pul mablag‘ini internetdagi tavakkalchilikka asoslangan 1XBet o‘yinida yutqazib qo‘ygani aniqlangan. Xabarda ayol pullarni yutqazib qo‘ygani haqida eriga aytmagani ma’lum qilingan.
Bu holat O‘zbekistonning qaysi hududida bo‘lib o‘tganiga aniqlik kiritilmagan.
Bundan avval Buxoroda pullarini bukmekerlik idorasida yutqazgan yigit bobosining uyidan 4,5 ming dollar o‘g‘irlab, uyga o‘t qo‘yib yuborgani, Qoraqalpog‘istonda pullarini bukmekerlik kontorasida yutqazgan yigitga nisbatan jinoyat ishi qo‘zg‘atilgani hamda Farg‘onada o‘zganing plastik kartasidan pul o‘g‘irlab, ularni totalizatorga tikib yuborgan maktab o‘quvchisi sudlangani haqida xabar berilgandi.
Izoh (0)