Bugun,

  • USD 11095.31
  • RUB 173.84
  • EUR 10772.44

Tojikistonda boshlangan qo‘mondonlik-shtab mashg‘ulotlarida Rossiyaning Tojikistondagi 201-harbiy bazasidan mingga yaqin harbiylar ishtirok etmoqda. Bu haqda Markaziy harbiy okrug matbuot xizmatiga tayanib, “Interfaks” xabar berdi.

Foto: ANNA News

Foto: ANNA News

“Mashg‘ulotlar davomida bo‘linma komandirlari, jangovar qurol va tashkillashtirish xizmatlari boshliqlari dinamik ravishda o‘zgarib turadigan vaziyatda jangovar operatsiyalarni rejalashtirish va har tomonlama qo‘llab-quvvatlash masalalarini ishlab chiqadi. Dala qo‘mondonlik punktlarini shartli dushmanning radiolokatsion razvedka, havo hujumi vositalaridan va qo‘poruvchi-razvedka guruhlaridan yashirish mashg‘ulotlariga alohida e’tibor qaratiladi”, — deyiladi xabarda

Shuningdek, mashg‘ulotga jalb qilingan bo‘linmalar belgilangan hududlarda allaqachon jangovar harbiy-havo vertolyotlari hamrohligidagi marshni amalga oshirgani aytilmoqda. Oldinga siljish jarayonida harbiy xizmatchilar shartli dushman hujumini qaytarish, to‘xtatib turish, yerga yo‘naltirish va tirik qolish uchun zarur sharoit yaratish masalalari bo‘yicha kirish qismni ishlab chiqdi.

Bundan tashqari, harbiylar Loxur va Sambuli poligonlarida ko‘chma dala qo‘mondonlik punktlari va aloqa markazlarini joylashtirgan.

Xabarga ko‘ra, o‘quv mashg‘ulotlari hafta oxirigacha davom etadi.

Tojikiston hududidagi 201-harbiy baza Rossiyaning o‘z chegaralaridan tashqaridagi eng yirik harbiy obyekti hisoblanadi. U Dushanbe va Boxtar shaharlarida joylashgan. 2012-yilda ushbu bazaning 2042-yilgacha Tojikistonda qolishi to‘g‘risida qaror qabul qilindi. Uning tarkibiga motorli miltiq, artilleriya, razvedka, zenit-raketa va boshqa qismlar kiradi. 2015-yil sentabr oyidan boshlab tarkibga harbiy havo guruhi ham qo‘shildi. 2020-yilda bazaga 20 ga yaqin yangi va modernizatsiya qilingan uskunalar, jumladan, Mi-8-MTV5-1 tashuvchi jangovar vertolyotlari, piyodalar uchun modernizatsiya qilingan BMP-2M jangovar mashinalari qabul qilindi.

Avvalroq Rossiya Afg‘onistondagi vaziyat tufayli Tojikistondagi harbiy bazasidan foydalanishga tayyorligini bildirgandi.

5-iyul kuni Tojikiston prezidenti Emomali Rahmon tojik-afg‘on chegarasini mustahkamlash uchun armiya rezervidagi 20 ming nafar harbiy xizmatchini safarbar etgani, Vladimir Putin Tojikistonga Afg‘oniston bilan chegaradagi vaziyatning keskinlashuvi munosabati bilan yordam berishni va’da qilgani, O‘zbekiston Prezidenti Shavkat Mirziyoyev 5-iyul kuni Vladimir Putin bilan telefon orqali muloqot qilib, suhbat davomida Afg‘onistonning shimoliy hududlaridagi ahvol yomonlashishi fonida Markaziy Osiyodagi vaziyatning rivojiga alohida to‘xtalib o‘tgani haqida xabarlar berilgandi.

Izoh
Asosiy yangiliklar
Mahalliy
Toshkentda Turkiyadagi zilziladan jabr ko‘rganlar uchun yordam qabul qilinmoqda
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...