Namangan viloyat ichki ishlar boshqarmasi aholiga viloyatning ayrim tumanlardagi dam olish maskanlariga vaqtincha bormaslikka chaqirdi. Bu haqda “Daryo” muxbiri Azizbek Abduvaliyev xabar bermoqda.
Bu tumanlar qatorida kuchli do‘l yog‘gan va sel yopirilgan Kosonsoydan tashqari Yangiqo‘rg‘on, Chust va Pop tumanlari ham keltirib o‘tilgan.
“Hurmatli hamyurtlar! Kosonsoy tumanida yuzaga kelgan kuchli yog‘ingarchilik natijasida tumanning tog‘li hududiga sel kelgani va buning oqibatida bir necha fuqarolar jabr ko‘rganini ma’lum qilamiz. Shu boisdan Namangan viloyati IIB barcha fuqarolar va harakat ishtirokchilaridan zarur ish bo‘lmagan taqdirda Kosonsoy, Yangiqo‘rg‘on, Chust va Pop tumanlaridagi dam olish maskanlariga vaqtincha bormaslikni tavsiya etadi”, — deyiladi viloyat IIB xabarida.
Namangan viloyat ichki ishlar boshqarmasi tabiat hodisalariga befarq qaramaslik va o‘zi hamda yaqinlari salomatligi uchun ham uyda qolishga chaqirgan.
Izoh (0)