Наманган вилоят ички ишлар бошқармаси аҳолига вилоятнинг айрим туманлардаги дам олиш масканларига вақтинча бормасликка чақирди. Бу ҳақда «Дарё» мухбири Азизбек Абдувалиев хабар бермоқда.
Бу туманлар қаторида кучли дўл ёғган ва сел ёпирилган Косонсойдан ташқари Янгиқўрғон, Чуст ва Поп туманлари ҳам келтириб ўтилган.
«Ҳурматли ҳамюртлар! Косонсой туманида юзага келган кучли ёғингарчилик натижасида туманнинг тоғли ҳудудига сел келгани ва бунинг оқибатида бир неча фуқаролар жабр кўрганини маълум қиламиз. Шу боисдан Наманган вилояти ИИБ барча фуқаролар ва ҳаракат иштирокчиларидан зарур иш бўлмаган тақдирда Косонсой, Янгиқўрғон, Чуст ва Поп туманларидаги дам олиш масканларига вақтинча бормасликни тавсия этади», — дейилади вилоят ИИБ хабарида.
Наманган вилоят ички ишлар бошқармаси табиат ҳодисаларига бефарқ қарамаслик ва ўзи ҳамда яқинлари саломатлиги учун ҳам уйда қолишга чақирган.
Изоҳ (0)