Mashhur aktrisalarning hayotidagi eng baxtli kunlaridan birida kiygan liboslar suratini e’tiboringizga havola qilamiz.
Sara Jessika Parker
Sara Mettyu Broderik bilan to‘yidan 6 yil avval umumiy do‘stlari uyushtirgan ziyofatda tanishgan. 2007-yilda juftlik Nyu-Yorkda yashirincha turmush qurgan. Hatto 100 nafar mehmon ham oxirgi daqiqagacha o‘zlarini oddiy ziyofatga taklif qilingan deb o‘ylagan. Aktrisa o‘ylanib o‘tirmasdan qora, keng libosni kiyishni afzal bilgan. “Men shunchaki kelinlik libosini qidirib o‘tirishga vaqt sarflashni istamadim. Menga yoqadigan bir do‘konga borib, bir libosni xarid qildim, xolos”, — degan Parker. 20 yilda buyon birga hayot kechirib keladigan juftlikning bugungi kunda uch nafar: Jeyms, Marion va Tabitu ismli farzandi bor.
Gvinet Peltrou
Gvinet “Xor” filmining suratga olish maydonchasida Bred Felchak bilan tanishgan. Unga iliq munosabatlarni his qilganidan keyin turmush o‘rtog‘i Kris Martin bilan ajrashgan va 2018-yilda Bredga turmushga chiqqan. Long-Aylenddagi uyining hovlisida yashirincha turmushga chiqqan yulduzning to‘yiga Kemeron Diaz, Robert Dauni o‘z rafiqasi bilan birga tashrif buyurgan. Peltrou kelinlik libosini Valentino’dan tanlagan.
Riz Uizerspun
Aktrisa 2011-yilda ikkinchi marta Jim Totga turmushga chiqqan. Juftlik kechki ziyofatlardan birida tanishgan. Jimning yaqin do‘sti Rizga shilqimlik qilgan, Jim kelib do‘stining nomidan uzr so‘ragan. Avvaliga bunday inson bilan do‘st tutingan odam ham ahmoq bo‘lsa kerak, deb o‘ylagan aktrisa keyinroq uning shunchaki yaxshi do‘st ekanini tushunib yetgan. Tanishganidan bir yil o‘tib juftlik Kaliforniyada turmush qurgan. Tashrif buyurgan 120 nafar mehmon orasida Tobi Maguayer, Alisa Milano, Rene Zellvegerlar bo‘lgan. Kelin dizayner Monik Lulye tomonidan tikilgan ko‘ylak kiyishni afzal bilgan. Och pushti rangdagi, ipakdan tikilgan gullar bilan bezalgan libos aktrisaning qomatiga yanada urg‘u bergan. Bugungi kunda baxtli hayot kechirayotgan juftlikning Tennesi ismli farzandi bor.
Yeva Longoriya
Yeva 2016-yilda uchinchi marta Xose Antonio Bastonga turmushga chiqqan. Nikoh marosimi Meksikaning Velye-de-Bravo shahridagi xususiy villada bo‘lib o‘tgan. Yeva dugonasi dizayner Viktoriya Bekxem tomonidan tikilgan libos kiygan. Yelka qismi ochiq fasonni afzal bilgan Yeva taqinchoq va taqishdan voz kechgan. Muxlislari baxtiga havas qiladigan juftlikning bugungi kunda Santyago ismli farzandi bor.
Jennifer Lopes
Xonanda 2001-yilda ikkinchi marta Kris Jadd bilan turmush qurgan. Ularning o‘rtasidagi munosabatlar “Love Don’t Cost a Thing” klipining suratga olish maydonchasida boshlangan. Lopes Valentino brendidan vintaj uslubidagi libos kiygan. Ammo chiroyli to‘y baxt olib kelmagan, juftlik bir yilga qolmay ajrashgan. Kris muntazam ravishda e’tibor markazida bo‘lishni ko‘tara olmagan. Jennifer hayotlari bilan bog‘liq batafsil ma’lumotlarni tarqatmasligi uchun sobiq turmush o‘rtog‘iga 18 million dollar to‘lagan.
Izoh (0)