Гвинет Пелтроу, Женнифер Лопес ва бошқа Голливуд юлдузларининг келинлик либослари (фото)

Машҳур актрисаларнинг ҳаётидаги энг бахтли кунларидан бирида кийган либослар суратини эътиборингизга ҳавола қиламиз.

Сара Жессика Паркер

Сара Мэттью Бродерик билан тўйидан 6 йил аввал умумий дўстлари уюштирган зиёфатда танишган. 2007 йилда жуфтлик Нью-Йоркда яширинча турмуш қурган. Ҳатто 100 нафар меҳмон ҳам охирги дақиқагача ўзларини оддий зиёфатга таклиф қилинган деб ўйлаган. Актриса ўйланиб ўтирмасдан қора, кенг либосни кийишни афзал билган. «Мен шунчаки келинлик либосини қидириб ўтиришга вақт сарфлашни истамадим. Менга ёқадиган бир дўконга бориб, бир либосни харид қилдим, холос», — деган Паркер. 20 йилда буён бирга ҳаёт кечириб келадиган жуфтликнинг бугунги кунда уч нафар: Жеймс, Марион ва Табиту исмли фарзанди бор.

Гвинет Пелтроу

Гвинет «Хор» фильмининг суратга олиш майдончасида Бред Фелчак билан танишган. Унга илиқ муносабатларни ҳис қилганидан кейин турмуш ўртоғи Крис Мартин билан ажрашган ва 2018 йилда Бредга турмушга чиққан. Лонг-Айленддаги уйининг ҳовлисида яширинча турмушга чиққан юлдузнинг тўйига Кемерон Диаз, Роберт Дауни ўз рафиқаси билан бирга ташриф буюрган. Пелтроу келинлик либосини Valentino’дан танлаган.

Риз Уизерспун

Актриса 2011 йилда иккинчи марта Жим Тотга турмушга чиққан. Жуфтлик кечки зиёфатлардан бирида танишган. Жимнинг яқин дўсти Ризга шилқимлик қилган, Жим келиб дўстининг номидан узр сўраган. Аввалига бундай инсон билан дўст тутинган одам ҳам аҳмоқ бўлса керак, деб ўйлаган актриса кейинроқ унинг шунчаки яхши дўст эканини тушуниб етган. Танишганидан бир йил ўтиб жуфтлик Калифорнияда турмуш қурган. Ташриф буюрган 120 нафар меҳмон орасида Тоби Магуаер, Алиса Милано, Рене Зеллвегерлар бўлган. Келин дизайнер Моник Луле томонидан тикилган кўйлак кийишни афзал билган. Оч пушти рангдаги, ипакдан тикилган гуллар билан безалган либос актрисанинг қоматига янада урғу берган. Бугунги кунда бахтли ҳаёт кечираётган жуфтликнинг Теннеси исмли фарзанди бор.

Ева Лонгория

Ева 2016 йилда учинчи марта Хосе Антонио Бастонга турмушга чиққан. Никоҳ маросими Мексиканинг Веле-де-Браво шаҳридаги хусусий виллада бўлиб ўтган. Ева дугонаси дизайнер Виктория Бекхем томонидан тикилган либос кийган. Елка қисми очиқ фасонни афзал билган Ева тақинчоқ ва тақишдан воз кечган. Мухлислари бахтига ҳавас қиладиган жуфтликнинг бугунги кунда Сантьяго исмли фарзанди бор.

Женнифер Лопес

Хонанда 2001 йилда иккинчи марта Крис Жадд билан турмуш қурган. Уларнинг ўртасидаги муносабатлар «Love Don’t Cost a Thing» клипининг суратга олиш майдончасида бошланган. Лопес Valentino брендидан винтаж услубидаги либос кийган. Аммо чиройли тўй бахт олиб келмаган, жуфтлик бир йилга қолмай ажрашган. Крис мунтазам равишда эътибор марказида бўлишни кўтара олмаган. Женнифер ҳаётлари билан боғлиқ батафсил маълумотларни тарқатмаслиги учун собиқ турмуш ўртоғига 18 миллион доллар тўлаган.