Instagram: AQShda qizining to‘yini o‘tkazgan Yulduz Hamidova, “o‘ldi”ga chiqarilgan Ra’no Yarasheva, qo‘shiq kuylay boshlagan Ulug‘bek Qodirov

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Ra’no Shodiyeva o‘g‘lining to‘yi yaqinligiga ishora qiluvchi postni folloverlariga taqdim etdi. Aktrisa kelini bilan kosmetologga bordi.

Taniqli aktrisa Yulduz Hamidova qizi Fotimani uzatdi. To‘y AQShning Kolorado shtatida bo‘lib o‘tdi. Tantanada yana bir o‘zbekistonlik aktyor Otabek Mahkamov boshlovchilik qildi.

12-iyul kuni ijtimoiy tarmoqlarda Ra’no Yarashevaning vafot etgani haqidagi mish-mishlar tarqaldi. Aktrisa qizi Madinaning akkaunti orqali muxlislariga ushbu gap-so‘zlar asossiz ekanligini yetkazdi.

Xonanda Lola onasiga farzandlarni mehrli qilib tarbiyalagani uchun minnatdorchilik bildirdi.

Samarqandda o‘tkazilgan yana bir dabdabali to‘y ijtimoiy tarmoqlarda muhokamalarga sabab bo‘lmoqda. To‘yda taniqli xonandalar, jumladan, madaniyat vaziri Ozodbek Nazarbekov ham qo‘shiq kuylagan.

Javohir Zokirov marhum otasi Jamshid Zokirovni tug‘ilgan kuni munosabati bilan xotirladi hamda uni “Dunyodagi eng yaxshi ota” deb e’tirof etdi.

Rayhon hamda Shahlo Zoirova Moskva shahrida konsert berdi.

Kaniza hayot kurashdan iborat ekanligi haqida post qoldirdi.

Aktyor Ulug‘bek Qodirov xonandalikka qo‘l urdi. U “Yog‘ar yomg‘ir” deb nomlangan ilk qo‘shig‘ini muxlislariga taqdim etdi.