Namangan viloyati Uychi tumanida Norin daryosiga cho‘kib ketgan bir kishining jasadi topildi, deya xabar bermoqda viloyat Favqulodda vaziyatlar boshqarmasi.
Qayd etilishicha, 2021-yil 11-iyul kuni soat 16:46 larda Namangan viloyati Favqulodda vaziyatlar boshqarmasi navbatchilik qismining qisqa 1050 raqamiga Uychi tuman “O‘nhayat” mahallasi Shodiyona ko‘chasi 21-uyda yashovchi 1995-yilda tug‘ilgan R.R. ismli hamda yana 2 nafar fuqaro Uychi tuman “Qumtepa” MFY hududidan oqib o‘tgan Norin daryosida cho‘kib ketgani to‘g‘risida xabar kelib tushgan.
Mazkur xabarga ko‘ra, voqea joyiga viloyat Favqulodda vaziyatlar boshqarmasi Qutqaruv otryadining suvda qidiruv-qutqaruv guruhi yordamga kelib, suvda qidiruv ishlarini amalga oshirgan.
Ma’lumot uchun, ikki nafar fuqaro mahalliy aholi tomonidan qutqarib olingan.
Tezkorlik bilan olib borilgan suvda qidiruv-qutqaruv ishlari davomida R.R. ismli fuqaroning jasadi daryoning 2,5 metr chuqurligidan topilgan.
Bundan avval Farg‘onada eri bilan janjallashib, o‘zini Katta Farg‘ona kanaliga tashlagan 22 yoshli ayolning jasadi uch kundan so‘ng topilgani, Xorazmda kanalga tushib ketgan 82 yoshli onaxon qutqarilgani hamda Qashqadaryoda 17 yoshli futbolchi cho‘kib ketib, vafot etgani haqida xabar berilgandi.
Izoh (0)