Amerikalik rejissor katta Robert Dauni 86 yoshida vafot etdi. U oxirgi besh yildan buyon Parkinson kasalligi bilan kurashib kelayotgan edi, deb xabar beradi Hello nashri.
Katta Robert Dauni rejissor, aktyor, ssenariynavis, prodyuser, operator va montajchi edi. 1977-yilgi “Xyugo kompaniyasi” filmi unga mashhurlik olib kelgan edi. Shuningdek, u “Bugi uslubidagi kechalar”, “Mo‘g‘iliston” va “Los-Anjelesda yashash va o‘lish” kartinalaridagi rollari orqali tanilgan.
Rejissorning yagona o‘g‘li kichik Robert Dauni — taniqli Gollivud aktyori Marvel komikslari asosida ishlangan filmlar (“Temir odam”, “Qasoskorlar”, “Xalk”, “O‘rgimchak odam: uyga qaytish” filmlari, shuningdek, Gay Richining Sherlok Xolms haqidagi kartinalari orqali mashhurlikka erishgan.
Avvalroq Bollivud afsonasi Dilip Kapur 99 yoshida, rossiyalik aktyor va rejissor Vladimir Menshov 82 yoshida vafot etgani to‘g‘risida xabar berilgandi.
Izoh (0)