Nafaqat Turkiya, balki butun dunyoda mashhurlikka erishgan “Chuqur” seriali o‘z yakuniga yetdi. Ammo unda bosh qahramon rolini gavdalantirgan Aras Bulutning serial bilan xayrlashishga hali erta ekanligini ta’kidlagani muxlislarning xursand bo‘lishiga sabab bo‘lgan. Bu haqda “Rus.Turkey.com” nashri xabar beradi.
Tanqidchilarning fikricha, davomiyligi 4 faslni tashkil qiladigan “Chuqur” turk seriallaritarixida eng muvaffaqiyatli loyihalardan biri sifatida o‘rin oladi.
Aynan shu sabab ham ijodkorlar serial muxlislari uchun kutilmagan yangilik tayyorlagan: ayni vaqtda loyihaning kadr ortidagi jarayonlari haqida hikoya qiladigan hujjatli film suratga olinmoqda. Bu haqda Aras Bulut ma’lum qilgan.
“Serialni suratga olish jarayoni juda ham maroqli bo‘lgan. Biz yakunladik, men bir muddat dam olyapman. Dam olish ham yaxshi. Men juda ham baxtliman. Biroq loyiha bilan batamom xayrlashishga hali erta: ertaga ‘Chuqur’ hujjatli filmining suratga olish maydonchasiga boraman, jamoaning barcha a’zolari qayta jamuljam bo‘ladi”, — degan u.
Shuningdek, Iynemli hujjatli film aktyorning o‘zi va serial tarixi haqida ekanini qo‘shimcha qilgan. Filmning jamoani barcha a’zolari bilan intervyu ko‘rinishida suratga olinishini ta’kidlagan aktyor barcha ikir-chikirlardan xabardor emasligini ma’lum qilgan.
Mavzuga doir:
- “Chuqur” seriali yulduzi ishtirokidagi “Yettinchi bo‘lmadagi mo‘jiza” filmi Turkiya tomonidan “Oskar”ga nomzod qilib ko‘rsatiladi
- Aras Bulut ishtirokidagi “Yettinchi bo‘lmadagi mo‘jiza” turk filmi butun dunyoda mashhurlikka erishmoqda
- “Chuqur”, “Qora niyat”, “Ramo”. Turkiya davlat senzura tashkiloti tomonidan jarimaga tortilgan turk seriallari
Izoh (0)