Америкалик режиссёр катта Роберт Дауни 86 ёшида вафот этди. У охирги беш йилдан буён Паркинсон касаллиги билан курашиб келаётган эди, деб хабар беради Hello нашри.
Марҳум режиссёр рафиқасининг сўзларига кўра, у ўз уйида уйқусида оламдан ўтган.
Катта Роберт Дауни режиссёр, актёр, сценарийнавис, продюсер, оператор ва монтажчи эди. 1977 йилги «Хьюго компанияси» фильми унга машҳурлик олиб келган эди. Шунингдек, у «Буги услубидаги кечалар», «Мўғилистон» ва «Лос-Анжелесда яшаш ва ўлиш» картиналаридаги роллари орқали танилган.
Режиссёрнинг ягона ўғли кичик Роберт Дауни — таниқли Голливуд актёри Marvel комикслари асосида ишланган фильмлар («Темир одам», «Қасоскорлар», «Халк», «Ўргимчак одам: уйга қайтиш» фильмлари, шунингдек, Гай Ричининг Шерлок Холмс ҳақидаги картиналари орқали машҳурликка эришган.
Аввалроқ Болливуд афсонаси Дилип Капур 99 ёшида, россиялик актёр ва режиссёр Владимир Меншов 82 ёшида вафот этгани тўғрисида хабар берилганди.
Изоҳ (0)