Rossiyalik rejissor Vladimir Menshov 82 yoshida koronavirus asoratlari oqibatida vafot etdi, deb xabar beradi “Mosfilm” matbuot xizmati.

Foto: DW

Teatr, kino va televideniye aktyori, kinorejissor, ssenarist, prodyuser va teleboshlovchi rossiyalik Vladimir Valentinovich Menshov 1939-yilning 17-sentabr kuni Bakuda tug‘ilgan. Menshov Rossiyada xizmat ko‘rsatgan san’at arbobi, Rossiya xalq artisti, “Moskva ko‘z yoshlarga ishonmaydi” filmi uchun “Oskar” mukofotining “Xorijiy tildagi eng yaxshi film” nominatsiyasida laureat bo‘lgan.

Ta’kidlash kerakki, Menshov o‘zbekistonlik rejissor Zulfiqor Musoqovning “Abdullajon yoki Stiven Spilbergga bag‘ishlanadi” filmida ham suratga tushgan.

Avvalroq “Odam-amfibiya” filmidagi roli bilan mashhurlikka erishgan Vladimir Korenyev koronavirusdan vafot etgani to‘g‘risida xabar berilgandi.