Namanganda Nexia-3 beton to‘siqqa urilishi oqibatida haydovchi halok bo‘ldi, yo‘lovchi esa reanimatsiyaga joylashtirildi

Namangan viloyati Kosonsoy tumanida Nexia-3 beton to‘siqqa urilgan, deya xabar bermoqda YHXBB.

Qayd etilishicha, 2021-yil 7-iyul kuni Kosonsoy–Namangan yo‘nalishida harakat qilib ketayotgan davlat raqami 50 M 794 RA bo‘lgan Nexia-3 avtomobili harakat xavfsizligini ta’minlay olmay yo‘l chetida turgan beton to‘siqqa urilgan.

Oqibatda haydovchi olgan tan jarohatlari sabab voqea joyida halok bo‘lgan. Yo‘lovchi esa shifoxonaning jonlantirish bo‘limiga yotqizilgan.

Ma’lumotlarga ko‘ra, haydovchi va yo‘lovchi 29 yoshda bo‘lgan.

Bundan avval Samarqandda Lada Largus va Mercedes yuk mashinasi ishtirokidagi YTH oqibatida 2 kishi halok bo‘lgani, Toshkentda sobiq “TAPOiCh” yonidagi uch qavatli ko‘prikdan Matiz tushib ketgani hamda Bo‘stonliqda Lacetti daraxtga borib urilishi oqibatida bir kishi vafot etgani haqida xabar berilgandi.