7-iyul kuni dunyoning turli burchaklarida olingan suratlarni namoyish qilamiz.
To‘rt nuqtali barg qo‘ng‘izi va chumolining uchrashuvi. Krasnodar viloyati.
Foto: “TASS”
Kiyevda Kupala kechasi milliy bayrami nishonlandi. Bu an’anaviy slavyanlar bayrami bo‘lib, u yilning eng qisqa tunida, ya’ni 21—22 yoki 23—24-iyun kunlari, sharqiy slavyan mamlakatlarida esa an’anaviy Julian taqvimiga ko‘ra 6-dan 7-iyulga o‘tar kechasi nishonlanadi.
Foto: EPA
Italiya terma jamoasi ishqibozlari Ispaniya ustidan qozonilgan g‘alaba va jamoaning Yevro—2020 finaliga chiqqanini nishonlamoqda.
Foto: Getty Images
Nyu-York osmonida chaqnayotgan yashin. AQShning sharqiy sohillariga yaqin kunlarda Elza to‘foni urilishi kutilmoqda.
Foto: Getty Images
Ever Given konteyner tashuvchi kema 107 kunlik hibsdan so‘ng Suvaysh kanalini tark etmoqda. Kema 23-mart kuni kuchli shamol va qum bo‘roni tufayli yo‘nalishini o‘zgartirib, burun va quyruq qismlari bilan ikkala qirg‘oqqa tiralib qolib, Suvaysh kanalining bir magistralli janubiy qismini to‘sib qo‘ygan edi. 29-mart kuni sayozlikdan chiqqan kema kanal ma’muriyati tomonidan ushlab turilgandi.
Foto: Getty Images
Sitsiliyadagi Etna vulqonidan lava otilishi davom etmoqda.
Foto: Getty Images
Dakkada yashovchi odamlar butun mamlakat bo‘ylab joriy qilingan lokdaun paytida bepul oziq-ovqat olishni kutib, yo‘lda o‘tiribdi.
Foto: EPA
Sudan poytaxti chekkasidagi al-Takamol lagerida yashovchi janubiy sudanlik qochqin chodirining ichidan jilmayib turibdi.
Foto: AFP
Londondagi “Oq kub” galereyasida xitoylik rassom Lyu Vey ko‘rgazmasining press-prevyusi bo‘lib o‘tdi.
Foto: “TASS”
Tibbiyot xodimlari koronavirusga qarshi emlash paytida qishloqlarga yetib borish uchun soydan o‘tmoqda. Jamoa Hindiston nazorati ostidagi Himolay mintaqasining o‘tloqlarida cho‘ponlar va ko‘chmanchi chorvadorlarni emlash uchun uzoq masofalarga sayohat qilishga to‘g‘ri kelmoqda.
Foto: AP Photo
Mavzuga doir: Foto: Emlangan o‘zbek amaldorlari
Tashrif buyuruvchilar Kiyevdagi Merman art-installyatsiyasini tomosha qilmoqda.
Foto: EPA
Bir-biridan 550 kilometr masofada joylashgan Polshadagi Lyublin shahri bilan Litvadagi Vilnyus shahrini virtual ko‘prik orqali bog‘laydigan ekranga qarata qo‘l siltayotgan ayol.
Foto: Getty Images
Pekinlik rassom Lyu Veyning Londonda joylashgan “Oq kub” galereyasidagi ko‘rgazmasidan o‘rin olgan installyatsiya.
Foto: Shutterstock
Indoneziyada koronavirus bemorlarining o‘limi keskin o‘smoqda.
Foto: Getty Images
Turkiyaning shimoli-g‘arbiy qismida joylashgan Dyuzche shahri uzoq davom etgan yomg‘ir tufayli toshqinlardan zarar ko‘rmoqda.
Foto: Getty Images
Mavzuga doir: Qrimning Yalta shahrida kuchli yomg‘ir toshqinga sabab bo‘ldi. Aholidan uyda qolish so‘ralmoqda (foto va video)
Dortmund botanika bog‘ida katta hajmdagi amorfofallus o‘simligi gulladi.
Foto: Getty Images
Global isish tufayli qurib qolish xavfi ostida bo‘lgan dunyodagi eng katta sho‘r ko‘llardan biri bo‘lgan Erondagi Urmiya ko‘lida o‘ynayotgan qizcha.
Foto: Getty Images
Pekindagi uy hayvonlari bozorida qush qafasi sotuvchisi.
Foto: AFP
Bir kunda 100 dan ortiq jasad qabul qilgan Jakartadagi Rorotan qabristonida yig‘layotgan ayol. Indoneziyada o‘lim holatlari soni oshib bormoqda.
Foto: Shutterstock
Ukrainaning Xalq me’morchiligi va hayoti milliy muzeyida Kupala kechasi tantanasida gulchambar taqqan ayollar gulxan ustidan sakrab o‘tmoqda.
Foto: Shutterstock
Yevro—2020 yarim finalida Angliyaga qarshi o‘yin oldidan Londonda yig‘ilgan daniyalik futbol muxlislari.
Foto: AP Photo
Kann kinofestivali ochilish marosimida va “Annette” filmining namoyishi uchun kelayotgan mehmon.
Foto: Reuters
Nyu-Yorkning Kvins tumanida otishma sodir bo‘lgan joy yaqinidagi belgilarga qarab turgan bolakay.
Foto: Reuters
Avvalgi kunlarning fotogalereyalari:
- Odamlarni chorlayotgan “Shimol farishtasi”, it bilan do‘stlashgan sher, AQSh harbiylariga tegishli buyumlarni sotayotgan afg‘on. 6-iyul suratlari
- Farg‘onada pishgan charos, jilovlanayotgan yong‘inlar, uyg‘ongan vulqon. 5-iyul suratlari
- Turkiyada bosh ko‘targan ayollar, Ispaniya g‘alabasini bashorat qilgan Axilles, Parijda namoyish etilgan masonlar kiyimi. 2-iyul suratlari
- Jaziramadan hushini yo‘qotgan harbiy, raqs to‘garagidagi qariyalar, falastinliklardan yashirinayotgan Isroil kuchlari. 1-iyul suratlari
- Rossiyaliklar tomonidan so‘roqqa tutilgan Putin, jonli haykallar namoyishi, Turkiya tozalagan dengiz. 30-iyun suratlari
- Falastinliklarning norozilik lazeri, tarixga kirgan gorillalar, yiqitilgan Kolumb. 29-iyun suratlari
- Karantinda ko‘rsatilgan tomosha, buqalar poygasini uyushtirgan fermerlar, minbarga qaytgan Tramp. Hafta suratlari
