TikTok’нинг янги юлдузи: Степан лақабли мушук бир бокал ичимлик қаршисида ўйга толган ҳолда ўтирибди. Унинг юзида бутун коинотнинг ғам-ташвиши ифодаланган

TikTok’да ўйга толган ҳолда бир бокал вино қўйилган стол ёнида ўтирган Степан лақабли мушук машҳурликка эришди, деб хабар беради Esquire.

Фонда Стиви Уандернинг қўшиғи янграётган ролик 27,3 миллион мартадан ортиқ томоша қилинган ва 7,2 миллионта лайк тўплаган.

Мушукнинг, шунингдек, бошқа видеолари ҳам TikTok’да миллионлаб маротаба томоша қилиниб, юз минглаб лайкларни тўпламоқда. Степаннинг ҳатто Instagram’да ҳам саҳифаси бор.

https://www.instagram.com/p/CQjOe99Ho4V/

https://www.instagram.com/p/CQ1TnPzHwC5/

https://www.instagram.com/p/CP8pDzRlHIE/

Ичимлик билан ностальгия мусиқа тинглаб ўтирган Степаннинг образи кўплаб интернет фойдаланувчиларга ёлғизликка боғлиқ ҳаётий эпизодларни ёдга солиб юборган. Аммо мушукнинг маъноли тумшуғи ҳар бир саҳнани комедияга айлантириб юборади.

«Унинг юз ифодаси — алоҳида санъати», — дейди мушук эгаси. Степаннинг TikTok’даги саҳифаси 2019 йилда очилган бўлиб, ҳозирда унинг 440 мингдан ортиқ обуначиси бор.

Мушук эгасининг сўзларига кўра, у Степанни кўчадан бир ойлигида топиб олган, ҳозирда унинг ёши 13 да. Аёлнинг таъкидлашича, мушук мол гўштини ейишни, ухлашни ва «ёшига қарамай, квартира бўйлаб тентираб юришни» яхши кўради.

Аввалроқ яноқларини шиширган ва норозилик билдириб дўнғиллаган Бен лақабли Бенгал мушугининг видеоси интернетда машҳурликка эришганди.