Toshkent vaqti bilan 26-iyun tuni hamda 27-iyun tongida boks va MMA bo‘yicha bir qator qiziqarli musobaqalar o‘tkaziladi.
Ukrainalik bokschi Vasiliy Lomachenko (14-2, 10 KO) o‘zining navbatdagi jangini Las-Vegasda (AQSh) yaponiyalik Masayoshi Nakataniga (19-1, 13 KO) qarshi o‘tkazadi.
Ushbu jang oqshomida prof boksning o‘rta vazn toifasi (-72, 6 kg) vakili qozog‘istonlik Janibek Alimxanuli (9-0, 5 KO) ham ringga ko‘tariladi. Uning raqibi amerikalik Rob Brant (26-2, 18 KO) bo‘ladi.
Yana bir boks oqshomi AQShning Atlanta shahrida o‘tkaziladi. Ikkinchi yarimyengil vazn toifasida (-58,97 kg) WBA Super, yengil vazn toifasida (-61,23 kg) WBA Regular kamarlari sohibi Jervonta Devis (24-0, 23 KO) 27-iyun tongida superyengil vazn toifasida (-63,5 kg) WBA Regular kamari sohibi Mario Barriosga (26-0, 17 KO) qarshi jang qiladi.
Shuningdek, mazkur boks kechasida asli O‘zbekistonda tug‘ilgan Botir Ahmedov (8-1, 7 KO) ham jang qiladi. Uning raqibi Arxenis Mendes (25-6-3, 12 KO) bo‘ladi.
Har ikki boks kechasining markaziy jangi Toshkent vaqti bilan 27-iyun tonggi 07:00 dan keyin bo‘lib o‘tadi.
Ma’lumot uchun, hech qaysi musobaqa O‘zbekiston telekanallari orqali efirga uzatilmaydi. Jang videolarini bu yerda tomosha qilish mumkin — havola.
Ushbu musobaqada O‘zbekistonda tug‘ilgan qozog‘istonlik yakkakurashchi Shavkat Rahmonov o‘zining navbatdagi jangini o‘tkazadi. Unga braziliyalik Mishel Prazeres raqib bo‘ladi.
UFC Vegas 30 musobaqasi Toshkent vaqti bilan 26-iyun 22:00 da start oladi. Asosiy kard esa 27-iyunga o‘tar kechasi 01:00 da boshlanishi kutilmoqda.
Asosiy kard bilan tanishing:- Aleksandr Volkov (33-8) — Siril Gan (8-0);
- Tanner Boser (19-8-1) — Ovins Sen-Pryu (25-15);
- Raoni Barselos (16-1) — Timur Valiyev (17-2);
- Andre Fili (21-8) — Daniel Pineda (27-14);
- Tim Mins (31-12-1) — Nikolas Dalbi (19-3-1);
- Renato Moykano (14-4-1) — Jay Gerbert (10-2).
Izoh (0)