Toshkent shahrida mast holatda velosiped haydagan shaxslar aniqlandi, deya xabar bermoqda shahar IIBB.
Qayd etilishicha, 2021-yil 23-iyun kuni Sergeli tumani Yangi Sergeli ko‘chasida Toshkent shahar IIBB YHXB yo‘l-patrul xizmati xodimi velosipedchi — 1983-yilda tug‘ilgan Z.M.ni to‘xtatdi. Tekshiruv davomida fuqaro mast ekanligi aniqlandi.
Shu kunning o‘zida Mirzo Ulug‘bek tumanidagi Ziyolilar ko‘chasida xizmat olib borgan YHXB YPX xodimlari yo‘l harakati ishtirokchilariga xalaqit berayotgan velosipedchiga e’tibor qaratdi. Velosipedchi 1974-yilda tug‘ilgan A.K. ekani hamda u mast holatdaligi ma’lum bo‘ldi.
Keyinroq Mustaqillik shohko‘chasida Toshkent shahar IIBB xodimlari 1970-yilda tug‘ilgan A.K.ni mast holatda velosiped boshqarayotganini aniqladi.
Yashnobod tumani Farg‘ona yo‘lida YPX inspektorlari 1980-yilda tug‘ilgan Yu.I. mast holatda velosiped boshqarayotganini aniqladi. Barcha qoidabuzarlarga nisbatan ma’muriy bayonnomalar rasmiylashtirildi.
Bundan avval Gulistonda mast holda jamoat tartibini buzib, IIB xodimlariga qarshilik ko‘rsatgan shaxs 5 sutkaga qamalgani, Buxoroda xotini tomonidan temir karavotga bog‘lab qo‘yilgan mast erkak vafot etgani hamda Buxoroda mast fuqaro tanishining Spark avtomobilini olib qochgani haqida xabar berilgandi.
Izoh (0)