Тошкент шаҳрида маст ҳолатда велосипед ҳайдаган шахслар аниқланди, дея хабар бермоқда шаҳар ИИББ.
Қайд этилишича, 2021 йил 23 июнь куни Сергели тумани Янги Сергели кўчасида Тошкент шаҳар ИИББ ЙҲХБ йўл-патруль хизмати ходими велосипедчи — 1983 йилда туғилган З.М.ни тўхтатди. Текширув давомида фуқаро маст эканлиги аниқланди.
Шу куннинг ўзида Мирзо Улуғбек туманидаги Зиёлилар кўчасида хизмат олиб борган ЙҲХБ ЙПХ ходимлари йўл ҳаракати иштирокчиларига халақит бераётган велосипедчига эътибор қаратди. Велосипедчи 1974 йилда туғилган А.К. экани ҳамда у маст ҳолатдалиги маълум бўлди.
Кейинроқ Мустақиллик шоҳкўчасида Тошкент шаҳар ИИББ ходимлари 1970 йилда туғилган А.К.ни маст ҳолатда велосипед бошқараётганини аниқлади.
Яшнобод тумани Фарғона йўлида ЙПХ инспекторлари 1980 йилда туғилган Ю.И. маст ҳолатда велосипед бошқараётганини аниқлади. Барча қоидабузарларга нисбатан маъмурий баённомалар расмийлаштирилди.
Бундан аввал Гулистонда маст ҳолда жамоат тартибини бузиб, ИИБ ходимларига қаршилик кўрсатган шахс 5 суткага қамалгани, Бухорода хотини томонидан темир каравотга боғлаб қўйилган маст эркак вафот этгани ҳамда Бухорода маст фуқаро танишининг Spark автомобилини олиб қочгани ҳақида хабар берилганди.
Изоҳ (0)