Prezident Shavkat Mirziyoyev rahnamoligida 2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasi hamda 5 tashabbusi doirasida O‘zbekistonda olib borilayotgan yoshlar siyosati yangi darajaga ko‘tarildi. Iqtidorli yoshlarni qo‘llab-quvvatlash, malakali va istiqbolli kadrlar zaxirasini tayyorlash “O‘zbekgidroenergo” AJning ustuvor vazifalaridandir.
Jamiyat tasarrufidagi “Energetiklar” sihatgohida “Yangi O‘zbekiston yoshlari, birlashaylik!” shiori ostidagi “Azmu — shijoatli yosh gidroenergetiklar” yoshlar forumi doirasida 130 nafar yuksak bilimli, zakovatli, tashabbuskor g‘oyalarga ega vatanparvar yoshlar umumiy g‘oya ostida birlashmoqda.
“Energetiklar” sihatgohida o‘tkazilayotgan “Yangi O‘zbekiston yoshlari, birlashaylik!” shiori ostidagi “Azmu — shijoatli yosh gidroenergetiklar” yoshlar forumida o‘rin olgan sport musobaqalarida, guruhlarga bo‘lingan yoshlar jamoalari sportning estafeta, darvozaga to‘p otish, bilak mushaklari mashqlari hamda stol tennisi turlari bo‘yicha o‘zaro bahs olib bordi.
Sport tadbirlari yakunlangach, navbat “Zakovat” intellektual o‘yinlariga ulandi. Intellektual o‘yinlarda ishtirokchilarning bilim va zakovati, dunyoqarashi, mantiqiy hamda tezkor fikrlash darajasi baholandi.
Forumda “O‘zbekgidroenergo” AJ boshqaruvi raisi ishtirokida yoshlar uchun ochiq muloqot bo‘lib o‘tdi. Boshqaruv raisi Abdug‘ani Sanginov tomonidan jamiyatda yoshlar uchun amalga oshirilayotgan keng ko‘lamli ishlar to‘g‘risida ma’lumot berildi. Mazkur forum yosh gidroenergetiklarga o‘zaro tajriba almashish, ochiq muloqotlar olib borishda keng imkoniyatlar eshigini ochib berdi.
Forumda jamiyat tizimi va korxona tashkilotlari rahbarlari hamda Toshkent arxitektura va qurilish instituti, Toshkent irrigatsiya va qishloq xo‘jaligini mehanizatsiyalash muhandislari instituti, Islom Karimov nomidagi Toshkent politexnika universiteti rahbariyati mas’ullari ham ishtirok etdi.
Boshqaruvi raisi Abdug‘ani Sanginov tomonidan “O‘zbekgidroenergo” AJ tizimida amalga oshirilayotgan ishlar, erishilayotgan natijalar va ularda yoshlarning hissasi, ularning tashabbuskorligi alohida e’tirof etildi. E’tiborga molik yana bir yutuq, boshqaruv raisi tashabbusi bilan O‘zbekiston Respublikasi Prezidentining 2020-yil 12-iyundagi “2020/2021-o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi qaroriga muvofiq, jamiyat boshqaruvi raisi tashabbusi va bevosita sa’y-harakati bilan jamiyatning malakali kadrlarga bo‘lgan ehtiyoji yuzasidan takliflari inobatga olinib, joriy o‘quv yilidan boshlab, Toshkent davlat texnika universitetida “Gidroenergetika” ta’lim yo‘nalishi tashkil etilib, mazkur yo‘nalishda 5 nafar yoshlar davlat granti, 45 nafari kontrakt-to‘lov asosida, jami 50 nafar yoshlar talabalik baxtiga muyassar bo‘ldi.
Toshkent arxitektura-qurilish instituti “Gidrotexnika inshootlari qurilishi” (turlari bo‘yicha) ta’lim yo‘nalishining qabul kvotasi 100 nafarga yetkazildi. Shundan kunduzgi bo‘limga 75 ta (5 ta davlat granti, 70 ta to‘lov-kontrakt asosida), sirtqi bo‘limga 25 ta (to‘lov-kontrakt asosida) o‘rin berildi. Jamiyatning ilmiy-pedagogik salohiyatga ega malakali mutaxassislari hamda oliy ta’lim professor o‘qituvchilari ishtirokida ushbu yo‘nalishlarning bakalavriat va magistratura bosqichlari bo‘yicha malaka talablari, o‘quv rejasi va fan dasturlari ishlab chiqildi. Muhokamalar jarayonida tashrif buyurgan oliy ta’lim muassalalari tomonidan bildirilgan murojaatlarga ham amaliy yordam berildi. 2021—2022-o‘quv yilida, Toshkent arxitektura va qurilish institutining yangi binosida Toshkent viloyatida barpo etilayotgan yirik “Pskom” GESining yirik maketini o‘rnatish, iqtidorli talabalarning 10 nafari tizim tashkiloti “Gidroproyekt” AJga ishga qabul qilinishi aytib o‘tildi.
Shuningdek, Toshkent irrigatsiya va qishloq xo‘jaligini mehanizatsiyalash muhandislari instituti, Islom Karimov nomidagi Toshkent politexnika universitetida nazariy bilimlarni mustahkamlash uchun o‘quv laboratoriyasini yangi o‘quv yilida zamonaviy jihozlar bilan ta’minlagan holda foydalanishga topshirilishi aytib o‘tildi. Mazkur forum yosh gidroenergetiklar uchun o‘zaro tajriba almashish, ochiq muloqotlar olib borishda keng imkoniyatlar eshigini ochib berdi.
“O‘zbekgidroenergo” matbuot xizmati
Izoh (0)