Buxorodan Rossiyaga rejalashtirilgan aviareys samolyotdagi sovutish tizimi ishlamay qolgani sabab qoldirildi, deya xabar berdi “Daryo” muxbiri.
Ma’lum qilinishicha, Buxoro shahridan Sheremetyevoga uchishi rejalashtirilgan 1877-aviareysdagi samolyotda texnik nosozlik kuzatilgan.2021-yilning 24-iyun kuni Rossiyaning “Aeroflot” aviakompaniyasiga tegishli A-320 rusumli havo kemasi texnik nosozlik sabab Buxoro xalqaro aeroportida qolib ketgan. Ushbu aviareysda ketishi lozim bo‘lgan 157 nafar yo‘lovchi esa vaqtincha “Grand Buxoro” mehmonxonasiga joylashtirilgan.
Hozirda “Aeroflot” aviakompaniyasining boshqa A-320 havo kemasi orqali Rossiyadan mutaxassislar olib kelinib, yo‘lovchilarni Moskvaga olib ketish chora-tadbirlari rejalashtirilmoqda.
Izoh (0)